| 23:1 Anggo hundul ho rap mangan pakon sahalak panggomgomi, pangkei ma pardiatei atap aha na i lobeimu; | 23:1 Bila engkau duduk makan dengan seorang pembesar, perhatikanlah baik-baik apa yang ada di depanmu. |
| 23:2 nahkon ma pisou bani tolonanmu, anggo parhisap ho! | 23:2 Taruhlah sebuah pisau pada lehermu, bila besar nafsumu! |
| 23:3 Ulang ma sir uhurmu bani na mantin-mantinni ai, ai sipanganon na paoto-otohon do ai. | 23:3 Jangan ingin akan makanannya yang lezat, itu adalah hidangan yang menipu. |
| 23:4 Ulang ma lojai dirimu mangindahi habayakon, padaoh ma pingkiranmu hunjai. (bd. 18:20-22; Par. 9:11; 1 Tim. 6:9.) | 23:4 Jangan bersusah payah untuk menjadi kaya, tinggalkan niatmu ini. |
| 23:5 Ai anggo mangkawah ho hujai, jadi lang dong be, ai sompong do marhabong ia, gabe habang songon manuk-manuk nanggordaha hu awang-awang. | 23:5 Kalau engkau mengamat-amatinya, lenyaplah ia, karena tiba-tiba ia bersayap, lalu terbang ke angkasa seperti rajawali. |
| 23:6 Ulang ma pangan indahan ni halak parmata na serleng, ulang ma sir uhurmu bani sipanganonni age naha mantinni, | 23:6 Jangan makan roti orang yang kikir, jangan ingin akan makanannya yang lezat. |
| 23:7 ai mambahen hira-hira do ia ibagas uhurni. Mangan anjaha minum ma ham, nini hubam, tapi uhurni seng dompak ho. | 23:7 Sebab seperti orang yang membuat perhitungan dalam dirinya sendiri demikianlah ia. “Silakan makan dan minum,” katanya kepadamu, tetapi ia tidak tulus hati terhadapmu. |
| 23:8 Gabe utahkononmu ma holi sisampohul na pinanganmai, anjaha sisoya-soya ganup hatamu na madear ai. | 23:8 Suap yang telah kaumakan, kau akan muntahkan, dan kata-katamu yang manis kausia-siakan. |
| 23:9 Ulang ma marsahap ho ilobei ni halak na oto, ai mapas do uhurni bani sahapmu na marisi hapentaran ai. (bd. 9:8.) | 23:9 Jangan berbicara di telinga orang bebal, sebab ia akan meremehkan kata-katamu yang bijak. |
| 23:10 Ulang ma osor batu parbalogan sisapari, anjaha ulang ma soluk ladang ni na tading maetek, (bd. 22:28; 5 Mus. 19:14.) | 23:10 Jangan engkau memindahkan batas tanah yang lama, dan memasuki ladang anak-anak yatim. |
| 23:11 ai gogoh do Sipanluluhon sidea; Ia do mansuhutkon parkara ni sidea dompak ho. (bd. 22:23.) | 23:11 Karena penebus mereka kuat, Dialah yang membela perkara mereka melawan engkau. |
| 23:12 Dompakkon ma uhurmu bani pangajaran, sonai pinggolmu bani sahap na gok habotohon. | 23:12 Arahkanlah perhatianmu kepada didikan, dan telingamu kepada kata-kata pengetahuan. |
| 23:13 Ulang ma parontihon pangajaran hubani dakdanak, porini ilonsing ho pe ia, seng pala matei. (bd. 13:24.) | 23:13 Jangan menolak didikan dari anakmu ia tidak akan mati kalau engkau memukulnya dengan rotan. |
| 23:14 Ilonsing ho do tongon angkulani, tapi na paluahkon tonduyni ai do ho hun nagori toruh. (bd. 13:24; 22:15.) | 23:14 Engkau memukulnya dengan rotan, tetapi engkau menyelamatkan nyawanya dari dunia orang mati. |
| 23:15 Ale anakku, anggo gok hapentaran uhurmu, uhurhu pe malas do. | 23:15 Hai anakku, jika hatimu bijak, hatiku juga bersukacita. |
| 23:16 Anjaha marolob-olob do tonduyhu, anggo isahapkon bibirmu hasintongan. | 23:16 Jiwaku bersukaria, kalau bibirmu mengatakan yang jujur. |
| 23:17 Ulang simburu uhurmu mangidah pardousa, tapi marhabiaran ma ho tongtong. (bd. 3:31.) | 23:17 Janganlah hatimu iri kepada orang-orang yang berdosa, tetapi takutlah akan TUHAN senantiasa. |
| 23:18 Tongon, adong do ari pangapudianan, seng anjai rotap pangarapanmu. (bd. 24:14.) | 23:18 Karena masa depan sungguh ada, dan harapanmu tidak akan hilang. |
| 23:19 Tangihon ma, ale anakku, ase pentar ho, anjaha dompakkon ma uhurmu bani dalan na pintor. | 23:19 Hai anakku, dengarkanlah, dan jadilah bijak, tujukanlah hatimu ke jalan yang benar. |
| 23:20 Ulang ma saor ho pakon halak sisibur anggur atap pakon halak na hisapan bani gulei; (Jes. 5:22; Luk. 21:34; Rom 13:13; Ep. 5:18.) | 23:20 Janganlah engkau ada di antara peminum anggur dan pelahap daging. |
| 23:21 ai halak parmabuk pakon parhisap maningon miskin do, anjaha marhiou rigat-rigat halak na marosuh modom-modom. (ay. 29-35; bd. 20:13; 21:17.) | 23:21 Karena si peminum dan si pelahap menjadi miskin, dan kantuk membuat orang berpakaian compang-camping. |
| 23:22 Tangihon ma bapamu na mantubuhkon ho, anjaha ulang mapas uhurmu bani inangmu anggo matua ia. (bd. 1:8.) | 23:22 Dengarkanlah ayahmu yang memperanakkan engkau, dan janganlah menghina ibumu kalau ia sudah tua. |
| 23:23 Hasintongan ma boli, anjaha ulang jualhon ai; sonai hapentaran, pangajaran ampa pangarusion. (bd. 4:5.) | 23:23 Belilah kebenaran dan jangan menjualnya; demikian juga dengan hikmat, didikan dan pengertian. |
| 23:24 Tongon, malas do uhur ni bapa ni halak parpintor; anjaha ise na mantubuhkon anak na maruhur, malas do uhurni marhalanihonsi. (bd. 10:1.) | 23:24 Ayah seorang yang benar akan bersorak-sorak; yang memperanakkan orang-orang yang bijak akan bersukacita karena dia. |
| 23:25 Malas ma tongon uhur ni bapamu ampa inangmu, marolob-olob ma uhur ni na mantubuhkon ho. | 23:25 Biarlah ayahmu dan ibumu bersukacita, biarlah beria-ria dia yang melahirkan engkau. |
| 23:26 Bere ma, ale anakku, uhurmu bangku, anjaha sai iharosuhkon matamu ma dalanku. | 23:26 Hai anakku, berikanlah hatimu kepadaku, biarlah matamu senang dengan jalan-jalanku. |
| 23:27 Ai doskon godung na bagas do boru jalang, anjaha parigi na sompit do naboru parbangkis. (bd. 22:14.) | 23:27 Karena perempuan jalang adalah lobang yang dalam, dan perempuan asing adalah sumur yang sempit. |
| 23:28 Tongon, songon panamun do ia manggompangi, anjaha ipabuei do halak sipangeluk itongah-tongah ni hajolmaon. (bd. 7:12.) | 23:28 Bahkan, seperti penyamun ia menghadang, dan memperbanyak pengkhianat di antara manusia. |
| 23:29 Ise do na hoih-koih? Ise do siparinangoi? Ise do siparingor? Ise do na holsohan? Ise do na ugahan seng marhala? Ise do siparmata na gombur? | 23:29 Siapa mengaduh? Siapa mengeluh? Siapa bertengkar? Siapa berkeluh kesah? Siapa mendapat cidera tanpa sebab? Siapa merah matanya? |
| 23:30 Halak na halalaban minum anggur, halak na laho mandai-dai minuman na koras. (bd. 20:1; Jes. 5:11-22.) | 23:30 Yakni mereka yang duduk dengan anggur sampai jauh malam, mereka yang datang mengecap anggur campuran. |
| 23:31 Ulang pakawah-kawah anggur halani magerger rupani, halani marlinang idahon ibagas panginuman, halani lamlam panjalirni hubagas. | 23:31 Jangan melihat kepada anggur, kalau merah menarik warnanya, dan mengilau dalam cawan, yang mengalir masuk dengan nikmat, |
| 23:32 Dobni mangkarat do ai songon ulog, anjaha mandoit songon darih. | 23:32 tetapi kemudian memagut seperti ular, dan menyemburkan bisa seperti beludak. |
| 23:33 Idahon ni matamu ma na ganjil-ganjil, anjaha uhurmu mansahapkon na so marturut. | 23:33 Lalu matamu akan melihat hal-hal yang aneh, dan hatimu mengucapkan kata-kata yang kacau. |
| 23:34 Gabe songon halak na modom itongah laut ma ho, anjaha songon halak na modom iujung ni tiang layar. | 23:34 Engkau seperti orang di tengah ombak laut, seperti orang di atas tiang kapal. |
| 23:35 Nim: Ibogbog sidea do ahu, tapi lang maborit, ibalbal sidea do, tapi lang huahapkon. Anggo tarjolma ahu, ulakanku do minum. (Jes. 56:12.) | 23:35 Engkau akan berkata: “Orang memukul aku, tetapi aku tidak merasa sakit. Orang memalu aku, tetapi tidak kurasa. Bilakah aku siuman? Aku akan mencari anggur lagi.” |
| << Amsal 22 | Amsal 24 >> |