| Iulaki Pajongjong Tembok pakon Horbangan ni Jerusalem | Pembacaan kitab hukum Hari raya Pondok Daun |
| 1 Dob ai marugas ma Sintua ni malim Eliasib rap pakon malim, saninani ai, jadi ipauli sidea ma Horbangan Biribiri. Ipapansing sidea ma ai anjaha ipajongjong labahni; ipapansing sidea ma ai das hu Manara Mea, das hu Manara Hananel. | 1 Maka bersiaplah imam besar Elyasib dan para imam, saudara-saudaranya, lalu membangun kembali pintu gerbang Domba. Mereka mentahbiskannya dan memasang pintu-pintunya. Mereka mentahbiskannya sampai menara Mea, menara Hananeel. |
| 2 I lambung ni sidea paulihon halak Jeriko. I lambung ni sidea use si Sakkur, anak ni si Imri. | 2 Berdekatan dengan mereka orang-orang Yerikho membangun, dan berdekatan dengan orang-orang itu Zakur bin Imri. |
| 3 Tapi ginompar ni si Senos do pajongjong Horbangan Dengke; ipauli sidea ma tutup tiangni, ipadear homa labahni, parkunsianni pakon ransang-ransangni. | 3 Pintu gerbang Ikan dibangun oleh bani Senaa. Mereka memasang balok-balok lalu memasang pintu-pintunya dengan pengancing-pengancing dan palang-palangnya. |
| 4 I lambung ni sidea mangumban si Meremot, anak ni si Uria, anak ni si Hakos. I lambung ni si Mesulam, anak ni si Berekia, anak ni si Mesesabeel, mangumban. I lambung ni sidea mangumban si Sadok, anak ni si Baana. | 4 Berdekatan dengan mereka Meremot bin Uria bin Hakos mengadakan perbaikan, dan berdekatan dengan dia Mesulam bin Berekhya bin Mesezabeel. Berdekatan dengan dia Zadok bin Baana mengadakan perbaikan, |
| 5 I lambung ni sidea use mangumban halak Tekoa; tapi halak na sangap humbani sidea seng ra mangunduk laho mangkorjahon horja ni Tuhan ni sidea. | 5 dan berdekatan dengan dia orang-orang Tekoa. Hanya pemuka-pemuka mereka tidak mau memberi bahunya untuk pekerjaan tuan mereka. |
| 6 Ia bani horbangan ni huta parbagas ai, si Joyada, anak ni si Pasea, ampa si Mesulam, anak ni si Besodeia do na mangumban; ipauli sidea ma tutup tiangni, ipadear homa labahni, parkunsianni pakon ransang-ransangni. | 6 Pintu gerbang Lama diperbaiki oleh Yoyada bin Paseah dan Mesulam bin Besoja. Mereka memasang balok-balok lalu memasang pintu-pintunya dengan pengancing-pengancing dan palang-palangnya. |
| 7 I lambung ni sidea mangumban si Melatia, halak Gibeon, pakon si Jadon, halak Meronot, rap pakon dalahi hun Gibeon pakon hun Mispa, ai ma na i toruh ni gomgoman ni panrajai, na i dipar ni bah banggal ai. | 7 Berdekatan dengan mereka Melaca, orang Gibeon, dan Yadon, orang Meronot, mengadakan perbaikan beserta orang-orang Gibeon dan Mizpa, yang berada di wilayah kekuasaan bupati daerah sebelah barat sungai Efrat. |
| 8 I lambung ni sidea mangumban si Usiel, anak ni si Harhaya, sada humbani tukang omas, i lambungni use mangumban si Hananya, anak ni sada halak sibahen rium-riuman; ipadear sidea ma Jerusalem das hu tembok na lumbang ai. | 8 Berdekatan dengan mereka Uziel bin Harhaya, salah seorang tukang emas, mengadakan perbaikan, dan berdekatan dengan dia Hananya, seorang juru campur rempah-rempah. Mereka memperkokoh Yerusalem sampai tembok Lebar. |
| 9 I lambung ni sidea use mangumban si Repaya, anak ni si Hur, na manrajai satongah distrik Jerusalem. | 9 Berdekatan dengan mereka Refaya bin Hur, penguasa setengah wilayah Yerusalem yang satu mengadakan perbaikan. |
| 10 I lambung ni sidea mangumban si Jedaya, anak ni si Harumap, tontang ni rumahni; i lambungni use mangumban si Hattus, anak ni si Hasabneya. | 10 Berdekatan dengan dia Yedaya bin Harumaf mengadakan perbaikan, tepat di depan rumahnya, dan berdekatan dengan dia Hatus bin Hasabneya. |
| 11 Bagian na paduahon iumban si Malkia, anak ni si Harim pakon si Hasub, anak ni si Pahat-Moab, das hu Manara Panloburan. | 11 Malkia bin Harim dan Hasub bin Pahat-Moab memperbaiki bagian yang lain dan menara Perapian. |
| 12 I lambung ni sidea mangumban si Salum, anak ni si Hallohes, na manrajai satongah distrik Jerusalem, ia rap pakon boruni. | 12 Berdekatan dengan mereka Salum bin Halohesh, penguasa setengah wilayah Yerusalem yang lain mengadakan perbaikan bersama-sama anak-anak perempuannya. |
| 13 Si Hanun pakon par Sanoa mangumban Horbangan Habungan; ipajongjong sidea ma ai use anjaha ibahen labahni, parkunsianni ampa ransang-ransangni, anjaha ipadear sidea do homa tembok ai saribu asta, das hu Horbangan Parnapuan. | 13 Pintu gerbang Lebak diperbaiki oleh Hanun dan penduduk Zanoah. Mereka membangunnya kembali dan memasang pintu-pintunya dengan pengancing-pengancing dan palang-palangnya. Pula tembok diperbaiki sepanjang seribu hasta sampai pada pintu gerbang Sampah. |
| 14 Si Malkia, anak ni si Rehab, na manrajai distrik Betkerem, mangumban Horbangan Parnapuan; ipauli ma ai use, ibahen labahni, parkunsianni pakon ransang-ransangni. | 14 Pintu gerbang Sampah diperbaiki oleh Malkia bin Rekhab, penguasa wilayah Bet-Kerem. Ia membangunnya kembali dan memasang pintu-pintunya dengan pengancing-pengancing dan palang-palangnya. |
| 15 Horbangan Bah Tubuh iumban si Salum, anak ni si Kolhose, na manrajai distrik Mispa; ipauli ma ai use, itayubi, ibahen labahni, parkunsianni pakon ransang-ransangni; ipauli do homa tembok ni Bongbongan Siloa, na i pohon ni raja ai, das hu Tangga Hambing na manuad hun huta ni si Daud. | 15 Pintu gerbang Mata Air diperbaiki oleh Salum bin Kolhoze, penguasa wilayah Mizpa. Pintu gerbang itu dibangunnya kembali, diberinya atap dan dipasangnya pintu-pintunya dengan pengancing-pengancing dan palang-palangnya. Juga diperbaikinya tembok kolam penampung air saluran, dekat taman raja sampai pada tangga-tangga yang menurun dari kota Daud. |
| 16 Dob ia, si Nehemia, anak ni si Asbuk, na manrajai satongah distrik Betsur, mangumban das ronsi tontang ni tanoman ni si Daud, das hu bongbongan na pinauli ai, das homa hu rumah ni puanglima-puanglima ai. | 16 Di sampingnya Nehemia bin Azbuk, penguasa setengah wilayah Bet-Zur, mengadakan perbaikan sampai di depan pekuburan Daud dan sampai pada kolam buatan dan rumah para pahlawan. |
| 17 Dob ai mangumban halak Levi: Si Rehum, anak ni si Bani, dob ai si Hasabiah, na manrajai satongah distrik Kegila, ipauli use bani distrikni. | 17 Di sampingnya orang-orang Lewi mengadakan perbaikan, yakni Rehum bin Bani, dan berdekatan dengan dia Hasabya, penguasa setengah wilayah Kehila yang satu, untuk wilayahnya. |
| 18 Dob ai, saninani mangumban: Si Baai, anak ni si Henadad, na manrajai satongah distrik Kegila. | 18 Di sampingnya saudara-saudara mereka, yakni Binui bin Henadad, penguasa setengah wilayah Kehila yang lain, mengadakan perbaikan. |
| 19 I lambungni, si Eser, anak ni si Jesua na manrajai Mispa, mangumban bagian na legan, tontang ni tangkogan na hu rumah parsinjataan hampit suhi-suhi ai. | 19 Berdekatan dengan dia Ezer bin Yesua, penguasa Mizpa, memperbaiki bagian yang berikut, di depan pendakian ke gudang senjata, dekat Sudut. |
| 20 Dob ai iumban si Baruk, anak ni si Sabbai ma bagian na legan, hun suhi-suhi ai das hu labah ni rumah ni si Eliasib, sintua ni malim ai. | 20 Di sampingnya Barukh bin Zabai memperbaiki bagian yang berikut, dari Sudut sampai pada pintu masuk rumah imam besar Elyasib. |
| 21 Dob ai iumban si Meremot, anak ni si Uria ma bagian na legan, hun labah ni rumah ni si Eliasib das hu ujung ni rumah ni si Eliasib. | 21 Di sampingnya Meremot bin Uria bin Hakos memperbaiki bagian yang berikut, dari pintu masuk rumah Elyasib sampai pada ujung rumah Elyasib. |
| 22 Dob ai, mangumban do malim-malim, halak na marianan i Pamah Jordan. | 22 Di sampingnya para imam, orang-orang dari Lembah Yordan, mengadakan perbaikan. |
| 23 Dob sidea mangumban do si Benjamin pakon si Hasub tontang ni rumah ni sidea. Dob sidea si Asarya, anak ni si Maaseya, anak ni si Ananya mangumban i lambung ni rumahni sandiri. | 23 Di samping mereka Benyamin dan Hasub mengadakan perbaikan di depan rumah mereka. Di samping mereka Azarya bin Maaseya bin Ananya mengadakan perbaikan di samping rumahnya. |
| 24 Dob ai iumban si Binnui, anak ni si Henadad, bagian na legan, hun rumah ni si Asarya das hu suhi-suhi ai ampa suhi-suhi na sada nari ai. | 24 Di sampingnya Binui bin Henadad memperbaiki bagian yang berikut, dari rumah Azarya sampai Sudut dan sampai Penjuru. |
| 25 Si Palal, anak ni si Usai, mangumban tontang ni suhi-suhi ai ampa manara ai, na gijangan humbani rumah ni raja ai, dohorhon alaman ni tutupan ai. Dob ai si Pedaya, anak ni si Paris, | 25 Palal bin Uzai mengadakan perbaikan di depan Sudut dan di depan menara yang tinggi yang menonjol dari istana raja, dekat pelataran penjagaan. Di sampingnya Pedaya bin Paros mengadakan perbaikan |
| 26 anjaha siparugas na i rumah panumbahan, na marianan i Opel, mangumban das hu tontang ni Horbangan Bah i hapoltakan ampa manara na gijang ai. | 26 sampai di depan pintu gerbang Air, di sebelah timur, dan di depan menara yang menonjol. Adapun para budak di bait Allah tinggal di Ofel. |
| 27 Dob sidea iumban halak Tekoa ma bagian na legan, tontang ni manara na gijang ai das hu tembok Opel. | 27 Di samping Pedaya orang-orang Tekoa memperbaiki bagian yang berikut, dari depan menara besar yang menonjol itu sampai tembok Ofel. |
| 28 I babou ni Horbangan Huda mangumban malim-malim, ganup tontang ni rumahni bei. | 28 Mulai dari pintu gerbang Kuda para imam mengadakan perbaikan, masing-masing di depan rumahnya. |
| 29 Dob sidea si Sadok, anak ni si Immer, mangumban tontang ni rumahni sandiri. Dob ai si Semaya, anak ni si Sekanya, sijaga Horbangan Hapoltakan. | 29 Di samping mereka Zadok bin Imer mengadakan perbaikan di depan rumahnya. Di sampingnya Semaya bin Sekhanya, penjaga pintu gerbang Timur. |
| 30 Dob ai iumban si Hananya, anak ni si Selemya, pakon si Hanun, anak paonomkon ni si Salap do bagian na legan. Dob ai si Mesulam, anak ni si Berekia, mangumban tontang ni kamarni. | 30 Di sampingnya Hananya bin Selemya dan Hanun, anak Zalaf yang keenam, memperbaiki bagian yang berikut. Di samping mereka Mesulam bin Berekhya mengadakan perbaikan di depan biliknya. |
| 31 Dob ai si Malkia, sada humbani tukang omas ai, mangumban das hu rumah ni siparugas i rumah panumbahan ampa partiga-tiga, tontang ni Horbangan Panjagaan ampa kamar pardatas ni suhi-suhi ai. | 31 Di sampingnya Malkia, seorang tukang emas, mengadakan perbaikan sampai pada rumah para budak di bait Allah dan para pedagang, di depan pintu gerbang Pendaftaran dan sampai pada kamar atas di penjuru. |
| 32 Anjaha i holangkolang ni kamar pardatas ni suhi-suhi ai ampa Horbangan Biribiri ai mangumban tukang omas ampa partiga-tiga. | 32 Lalu antara kamar atas di penjuru dan pintu gerbang Domba para tukang emas dan para pedagang mengadakan perbaikan. |
| << Nehemia 2 | Nehemia 4 >> |