| 41:1 Bani pambobai koor. Psalm ni si Daud. | 41:1 Untuk pemimpin biduan. Mazmur Daud. |
| 41:2 Martuah ma halak na marpanatap bani halak na galek; bani panorang hasosakan, sai paluahon ni Jahowa do ia. (Pod. 19:17; Ep. 6:13.) | 41:2 Berbahagialah orang yang memperhatikan orang lemah! TUHAN akan meluputkan dia pada waktu celaka. |
| 41:3 Jahowa do na manramotkon ampa na pagoluhkonsi, anjaha martuah do ia bahenonni i tanoh on; seng anjai ondoskononni ia hu tangan ni munsuhni. (Ps. 27:12.) | 41:3 TUHAN akan melindungi dia dan memelihara nyawanya, sehingga ia disebut berbahagia di bumi; Engkau takkan membiarkan dia dipermainkan musuhnya! |
| 41:4 Jahowa do na manatangsi bani podomanni sanggah boritan, mubah do ibahen haganup pangandunganni. | 41:4 TUHAN membantu dia di ranjangnya waktu sakit; di tempat tidurnya Kaupulihkannya sama sekali dari sakitnya. |
| 41:5 Ningku do: Ham Jahowa, maidop ma uhurmu bangku, pamalum Ham ma ahu, ai dompak Ham do ahu mardousa. (Ps. 6:3.) | 41:5 Kalau aku, kataku: “TUHAN, kasihanilah aku, sembuhkanlah aku, sebab terhadap Engkaulah aku berdosa!” |
| 41:6 Isahapkon imbangku do na jahat dompak ahu: Sadihari do ia matei, ase magou goranni? | 41:6 Musuhku mengatakan yang jahat tentang aku: “Bilakah ia mati, dan namanya hilang lenyap?” |
| 41:7 Anggo dong halak na manorih ahu, ladung do isahapkon; na sambor do ipatumpu-tumpu uhurni, anjaha i darat isahap-sahapkon ma ai. | 41:7 Orang yang datang menjenguk, berkata dusta; hatinya penuh kejahatan, lalu ia keluar menceritakannya di jalan. |
| 41:8 Ganup na marsogam ni uhur bangku marhusip-husip pasal ahu, na jahat do ipingkir-pingkiri sidea dompak ahu. | 41:8 Semua orang yang benci kepadaku berbisik-bisik bersama-sama tentang aku, mereka merancangkan yang jahat terhadap aku: |
| 41:9 Domma mangonai bani naborit na parah, anjaha ia, na tibal-tibal ai, seng anjai hehe be. (Mat. 27:66.) | 41:9 “Penyakit jahanam telah menimpa dia, sekali ia berbaring, takkan bangun-bangun lagi.” |
| 41:10 Gari huan-huanku, hatengeran ni uhurhu, na rap mangan pakon ahu, iangkat do naheini laho mantadahkon ahu. (Ps. 55:14; Dan. 11:26; Joh. 13:18; Lah. 1:16.) | 41:10 Bahkan sahabat karibku yang kupercayai, yang makan rotiku, telah mengangkat tumitnya terhadap aku. |
| 41:11 Tapi Ham Jahowa, sai idop ma uhurmu bangku, pajongjong Ham ma ahu, ase mambalas ahu bani sidea. (Ps. 103:10, 11; 40:2; Jes. 59:18.) | 41:11 Tetapi Engkau, ya TUHAN, kasihanilah aku dan tegakkanlah aku, maka aku hendak mengadakan pembalasan terhadap mereka. |
| 41:12 Marhitei on botohonku ma, paboa na marosuh do Ham bangku, anggo seng be marsurak-surak imbangku dompak ahu. (Ps. 30:2.) | 41:12 Dengan demikian aku tahu, bahwa Engkau berkenan kepadaku, apabila musuhku tidak bersorak-sorai karena aku. |
| 41:13 Anjaha ahu, ibagas hasintongankai, itatang Ham do ahu, anjaha ipajongjong Ham do ahu hu lobeimu tongtong. (Ps. 26:11.) | 41:13 Tetapi aku, Engkau menopang aku karena ketulusanku, Engkau membuat aku tegak di hadapan-Mu untuk selama-lamanya. |
| 41:14 Napuji ma Jahowa, Naibata ni Israel, humbani na basaia ronsi sadokah ni dokahni. Amen, amen. (Ps. 72:18; 89:53; 106:84; 150:6.) | 41:14 Terpujilah TUHAN, Allah Israel, dari selama-lamanya sampai selama-lamanya! Amin, ya amin. |
| << Mazmur 40 | Mazmur 42 >> |