Kidung Agung 1

1:1 Doding ni doding humbani raja Salomo. 1:1 Kidung agung dari Salomo.
1:2 Sai isummah ma ahu marhitei summah ni pamanganni! Ai mantinan do holongmu ase anggur. (bd. 4:10.) 1:2 — Kiranya ia mencium aku dengan kecupan! Karena cintamu lebih nikmat dari pada anggur,
1:3 Morum do minakmu, goranmu songon minak na misbou na niuseihon; halani ai do ase rosuh anakboru mangidah ham. 1:3 harum bau minyakmu, bagaikan minyak yang tercurah namamu, oleh sebab itu gadis-gadis cinta kepadamu!
1:4 Togu ham ma ahu, papodas hita ma! Iboan raja ai ma ahu hu kamarni. Marolob-olob do hanami anjaha marmalas ni uhur mangidah ham, ipuji hanami do holong ni uhurmu lobih humbani anggur, patut do holong uhur ni sidea bamu. 1:4 Tariklah aku di belakangmu, marilah kita cepat-cepat pergi! Sang raja telah membawa aku ke dalam maligai-maligainya. Kami akan bersorak-sorai dan bergembira karena engkau, kami akan memuji cintamu lebih dari pada anggur! Layaklah mereka cinta kepadamu!
1:5 Birong do ahu namin, tapi jenges do, ale boru Jerusalem, songon tenda ni halak Kedar, songon tirei ni si Salomo. (Ps. 120:5.) 1:5 Memang hitam aku, tetapi cantik, hai puteri-puteri Yerusalem, seperti kemah orang Kedar, seperti tirai-tirai orang Salma.
1:6 Ulang ma mapas pangkawahnima bangku, halani na birong ai rupangku, ai mata ni ari do na manlulus ahu. Manggila do anak ni inang bangku, isuruh sidea do ahu manjaga pohon anggur; tapi pohon anggurhu sandiri, seng hujaga. (Jes. 5:1-7.) 1:6 Janganlah kamu perhatikan bahwa aku hitam, karena terik matahari membakar aku. Putera-putera ibuku marah kepadaku, aku dijadikan mereka penjaga kebun-kebun anggur; kebun anggurku sendiri tak kujaga.
1:7 Pabotohkon ma bangku, ham haholongan ni uhurhu, ija do ham marmahan, ija ipasaran ham hulananmu tongah arian? Ai mase ma songon halak na mampar-ampar ahu ilambung ni hulanan ni hasomanmu? 1:7 Ceriterakanlah kepadaku, jantung hatiku, di mana kakanda menggembalakan domba, di mana kakanda membiarkan domba-domba berbaring pada petang hari. Karena mengapa aku akan jadi serupa pengembara dekat kawanan-kawanan domba teman-temanmu?
1:8 Anggo seng ibotoh ham ai, ham ale sijengesan itongah-tongah ni anakboru, irikkon ham ma bokas ni biri-biri ai, anjaha parmahan ma hambingmu ilambung ni tenda ni parmahan. (bd. 5:9; 6:1.) 1:8 — Jika engkau tak tahu, hai jelita di antara wanita, ikutilah jejak-jejak domba, dan gembalakanlah anak-anak kambingmu dekat perkemahan para gembala.
1:9 Usih do ham, ale hinasiholan ni uhurhu, bani huda na manarik gareta ni Parao. 1:9 — Dengan kuda betina dari pada kereta-kereta Firaun kuumpamakan engkau, manisku.
1:10 Jenges do huyummu marnah ugas-ugas, anjaha borgokmu marsinongkok mutiha. (Pod. 4:9; 6:21; 16:16.) 1:10 Moleklah pipimu di tengah perhiasan-perhiasan dan lehermu di tengah kalung-kalung.
1:11 Sinongkok omas paulionnami ope bamu, marsimatah bani pirak. 1:11 Kami akan membuat bagimu perhiasan-perhiasan emas dengan manik-manik perak.
1:12 Sanggah hundul raja ai mangan, muap do misbou ni minakku. (Mrk. 14:3.) 1:12 — Sementara sang raja duduk pada mejanya, semerbak bau narwastuku.
1:13 Haholongan ni uhurhu sasangkutan mir do ai bangku, tibal bani tontonku. 1:13 Bagiku kekasihku bagaikan sebungkus mur, tersisip di antara buah dadaku.
1:14 Haholongan ni uhurhu satandan bunga henna do ai bangku, na tubuh i pohon anggur Enggedi. 1:14 Bagiku kekasihku setangkai bunga pacar di kebun-kebun anggur En-Gedi.
1:15 Tongon, jenges do rupamu, ale hinasiholanku, jenges tumang do ham, songon asas do matamu. (bd. 2:14; 4:17; 5:12; 6:4.) 1:15 — Lihatlah, cantik engkau, manisku, sungguh cantik engkau, bagaikan merpati matamu.
1:16 Tongon jenges do ham, ale haholonganku, jenges tumang do ham. Marbunga-bunga simaratah do podomanta. 1:16 — Lihatlah, tampan engkau, kekasihku, sungguh menarik; sungguh sejuk petiduran kita.
1:17 Hayu ares do tiang ni rumahta, anjaha dingdingni ilampis bani hayu maranti. 1:17 Dari kayu aras balok-balok rumah kita, dari kayu eru papan dinding-dinding kita.
<< Pengkhotbah 12 Kidung Agung 2