| 19:1 Dob ai nini si Job ma mambalosi: | 19:1 Tetapi Ayub menjawab: |
| 19:2 Sadiha dokah on sai pusokannima uhurhu, anjaha ripukonnima ahu bani hata-hata? (bd. 18:2.) | 19:2 “Berapa lama lagi kamu menyakitkan hatiku, dan meremukkan aku dengan perkataan? |
| 19:3 Domma sapuluh hali ahu isalig-saligi hanima, anjaha seng maila hanima mangarsik-arsik ahu. | 19:3 Sekarang telah sepuluh kali kamu menghina aku, kamu tidak malu menyiksa aku. |
| 19:4 Porini pe tongon ahu marsalah, ai lang mangonai bangku do salahkai? | 19:4 Jika aku sungguh tersesat, maka aku sendiri yang menanggung kesesatanku itu. |
| 19:5 Atap sihol hanima mangunsagah dompak ahu, anjaha papintoronnima ahu marhitei panreheion? | 19:5 Jika kamu sungguh hendak membesarkan diri terhadap aku, dan membuat celaku sebagai bukti terhadap diriku, |
| 19:6 Botoh hanima ma, Naibata do na paunduk ahu, anjaha na mangkonahon sidingni bangku. | 19:6 insafilah, bahwa Allah telah berlaku tidak adil terhadap aku, dan menebarkan jala-Nya atasku. |
| 19:7 Tonggor ma, hudorakkon pe: Panghilangon! Tapi seng dong na mambalosi. Mangindo pangurupion ahu, tapi seng dong na mamintori. (bd. 30:20.) | 19:7 Sesungguhnya, aku berteriak: Kelaliman!, tetapi tidak ada yang menjawab. Aku berseru minta tolong, tetapi tidak ada keadilan. |
| 19:8 Domma irungga dalanku, gabe seng tarbontas ahu, anjaha irungkubhon do hagolapan bani dalanku. (bd. 3:23; 13:27; Tangis 3:7-9; Hos. 2:9.) | 19:8 Jalanku ditutup-Nya dengan tembok, sehingga aku tidak dapat melewatinya, dan jalan-jalanku itu dibuat-Nya gelap. |
| 19:9 Domma itanggali humbangku hamuliaonku, anjaha domma ibuat sortalingku humbani ulungku. (bd. 29:15; Tangis 5:16.) | 19:9 Ia telah menanggalkan kemuliaanku dan merampas mahkota di kepalaku. |
| 19:10 Domma iripuki ahu bani haganup, magou mando ahu, anjaha domma iurbat pangarapanku songon pangurbatni bani sada hayu. | 19:10 Ia membongkar aku di semua tempat, sehingga aku lenyap, dan seperti pohon harapanku dicabut-Nya. |
| 19:11 Domma gajag ringisni dompak ahu, anjaha doskon munsuhni do ahu ihira. (bd. 13:24; 30:10.) | 19:11 Murka-Nya menyala terhadap aku, dan menganggap aku sebagai lawan-Nya. |
| 19:12 Marsada uhur do marrohan balani, roh sidea mandorab ahu, anjaha ihubu sidea do lampo-lampongku inggot. (bd. 30:12.) | 19:12 Pasukan-Nya maju serentak, mereka merintangi jalan melawan aku, lalu mengepung kemahku. |
| 19:13 Seng huidah be saninangku, anjaha seng itandai hasomanku magodang be ahu. (Ps. 31:12; 69:9; Jer. 12:6.) | 19:13 Saudara-saudaraku dijauhkan-Nya dari padaku, dan kenalan-kenalanku tidak lagi mengenal aku. |
| 19:14 Seng itandai sindohorhu be ahu, anjaha domma ihalupahon huan-huanku ahu. (Ps. 38:12.) | 19:14 Kaum kerabatku menghindar, dan kawan-kawanku melupakan aku. |
| 19:15 Juak-juakku naboru pe ihira do ahu songon halak, songon halak na legan do ahu iahap sidea. | 19:15 Anak semang dan budak perempuanku menganggap aku orang yang tidak dikenal, aku dipandang mereka orang asing. |
| 19:16 Ia hudilo juak-juakku, seng ibalosi ahu, maningon mangelek-elek mando ahu bani. | 19:16 Kalau aku memanggil budakku, ia tidak menyahut; aku harus membujuknya dengan kata-kata manis. |
| 19:17 Oyakon do parinangonku manganggoh hosahku, age saninangku manganggoh baungku. (bd. 2:9.) | 19:17 Nafasku menimbulkan rasa jijik kepada isteriku, dan bauku memualkan saudara-saudara sekandungku. |
| 19:18 Gari dakdanak pe mandoruni ahu, anggo hehe ahu ipambebeoti sidea do ahu. (bd. 30:1.) | 19:18 Bahkan kanak-kanak pun menghina aku, kalau aku mau berdiri, mereka mengejek aku. |
| 19:19 Magigi do haganup huan-huanku na sangkan mangidah ahu, anjaha halak na huhaholongi marbalik mangimbang ahu. (ay. 13; Ps. 38:12; 41:10; 60:9; 88:9.) | 19:19 Semua teman karibku merasa muak terhadap aku; dan mereka yang kukasihi, berbalik melawan aku. |
| 19:20 Tardos bani holi-holingku mando huling-kuling pakon sibukku, pitah siratanku mando na so hona. (Ps. 102:6; Tangis 4:8.) | 19:20 Tulangku melekat pada kulit dan dagingku, dan hanya gusiku yang tinggal padaku. |
| 19:21 Holong, holong ma uhurnima bangku, nasiam hasomanku, ai domma mangonai tangan ni Jahowa bangku. (Rut 1:13, 20.) | 19:21 Kasihanilah aku, kasihanilah aku, hai sahabat-sahabatku, karena tangan Allah telah menimpa aku. |
| 19:22 Mase ipardakdak hanima ahu, songon pardakdak ni Naibata? anjaha seng sobalan ope hanima na mangarsik ahu ai? (Ps. 27:2.) | 19:22 Mengapa kamu mengejar aku, seakan-akan Allah, dan tidak menjadi kenyang makan dagingku? |
| 19:23 Ambit isuratkon ma namin hatangkai, anjaha iuhir ibagas pustaha. (Jes. 30:8.) | 19:23 Ah, kiranya perkataanku ditulis, dicatat dalam kitab, |
| 19:24 Anjaha ilatapkon namin bani panurat bosi pakon simbora, bani dolog batu bahen pardingatan sadokah ni dokahni. | 19:24 terpahat dengan besi pengukir dan timah pada gunung batu untuk selama-lamanya! |
| 19:25 Tapi torang do hubotoh, manggoluh do Sipagoluh ahu, anjaha Ia parpudi jongjong iatas orbuk.(2 Mus. 6:6; Jes. 41:14; 44:6, 22; Hos. 13:14; 2 Tim. 1:12.) | 19:25 Tetapi aku tahu: Penebusku hidup, dan akhirnya Ia akan bangkit di atas debu. |
| 19:26 Anjaha dobkonsi malantur huling-hulingkon, anjaha tanggal ahu humbani dagingku, idahonku ma Naibata. (Ps. 17:15; 73:24; Mat. 5:8; 1 Joh. 3:2.) | 19:26 Juga sesudah kulit tubuhku sangat rusak, tanpa dagingku pun aku akan melihat Allah, |
| 19:27 Tongon, ahu sandiri ma mangidahsi gabe hatuahonku, matangku sandiri mangidahsi, seng halak na legan. Itutung-tutung piah-piahku ibagas diringku halani siholni. (Ps. 7:10; 16:7; 84:3; 119:81; 1 Kor. 15:38.) | 19:27 yang aku sendiri akan melihat memihak kepadaku; mataku sendiri menyaksikan-Nya dan bukan orang lain. Hati sanubariku merana karena rindu. |
| 19:28 Anggo ihatahon hanima: Sonaha ma bahenonta mardakdaksi, anjaha padapot bonsir ni pahara on bani? | 19:28 Kalau kamu berkata: Kami akan menuntut dia dan mendapatkan padanya sebab perkaranya!, |
| 19:29 Marhabiaran ma hanima bani podang, ai mangonai do ringis bani halak siparsalah, ase ibotoh hanima adong do hape Sipanguhum. | 19:29 takutlah kepada pedang, karena kegeraman mendatangkan hukuman pedang, agar kamu tahu, bahwa ada pengadilan.” |
| << Ayub 18 | Ayub 20 >> |