| 21:1 Songon bah na bani bondar do uhur ni raja ibagas tangan ni Jahowa; ibobai do ai dompak ja rosuh ni uhurni. (Ps. 33:15.) | 21:1 Hati raja seperti batang air di dalam tangan TUHAN, dialirkan-Nya ke mana Ia ingini. |
| 21:2 Haganup dalanni, pintor do ai nini uhur ni halak, tapi Jahowa do siuji uhur. (bd. 16:2; 24:12.) | 21:2 Setiap jalan orang adalah lurus menurut pandangannya sendiri, tetapi TUHANlah yang menguji hati. |
| 21:3 Na mandalankon hapintoron pakon uhum, rosuhan do uhur ni Jahowa bani ai humbani na mangidah galangan. (1 Sam. 15:22; Ps. 51:19; Jes. 1:11-18; Hos. 6:6.) | 21:3 Melakukan kebenaran dan keadilan lebih dikenan TUHAN dari pada korban. |
| 21:4 Mata na magenjeng pakon uhur hagijangon, ai ma suluh bani parjahat, dousa do ai. (Jes. 2:11.) | 21:4 Mata yang congkak dan hati yang sombong, yang menjadi pelita orang fasik, adalah dosa. |
| 21:5 Uhur haponguton mambahen halak marlobih-lobih, tapi halak na tarolos-olos marhahurangan do. (bd. 10:4; 13:4; 22:29.) | 21:5 Rancangan orang rajin semata-mata mendatangkan kelimpahan, tetapi setiap orang yang tergesa-gesa hanya akan mengalami kekurangan. |
| 21:6 Halak na patumpu arta marhitei sahap ladung, na marleilei logou anjaha na mangindahi hamateian do ai. (bd. 10:2; 13:11.) | 21:6 Memperoleh harta benda dengan lidah dusta adalah kesia-siaan yang lenyap dari orang yang mencari maut. |
| 21:7 Panokohon ni halak parjahat, ai do na parseda sidea sandiri, ai manjua do sidea mangkorjahon hasintongan. | 21:7 Orang fasik diseret oleh penganiayaan mereka, karena mereka menolak melakukan keadilan. |
| 21:8 Mareluk-eluk do dalan ni halak parjahat, tapi pintor do dalan ni halak siparuhur na pitah. | 21:8 Berliku-liku jalan si penipu, tetapi orang yang jujur lurus perbuatannya. |
| 21:9 Rahanan do marianan bani suhi-suhi ni tayub, ase rap marianan i rumah ampa naboru sipartinggil. (ay. 19; bd. 25:24; 27:15.) | 21:9 Lebih baik tinggal pada sudut sotoh rumah dari pada diam serumah dengan perempuan yang suka bertengkar. |
| 21:10 Uhur ni halak parjahat marosuh bani na masambor, gari hasomanni seng harga bani. | 21:10 Hati orang fasik mengingini kejahatan dan ia tidak menaruh belas kasihan kepada sesamanya. |
| 21:11 Anggo hona uhum sipanrisai, gabe maruhur do halak na oto, anggo iajari halak na pentar, jumpahan habotohon do ia. (bd. 19:25.) | 21:11 Jikalau si pencemooh dihukum, orang yang tak berpengalaman menjadi bijak, dan jikalau orang bijak diberi pengajaran, ia akan beroleh pengetahuan. |
| 21:12 Mangkawah do halak parpintor hu rumah ni parjahat; hona dabuh do parjahat ai hu hamagouan. | 21:12 Yang Mahaadil memperhatikan rumah orang fasik, dan menjerumuskan orang fasik ke dalam kecelakaan. |
| 21:13 Halak na manutup pinggolni dompak doruh-doruh ni halak na masombuh, ia pe, anggo dilo-dilo holi, seng dong na mambalosi. | 21:13 Siapa menutup telinganya bagi jeritan orang lemah, tidak akan menerima jawaban, kalau ia sendiri berseru-seru. |
| 21:14 Sibere-bere na ponop pahombun ringis, anjaha siluah na buni mangampogi gila na parah. (bd. 17:8; 18:16; 1 Sam. 25:18.) | 21:14 Pemberian dengan sembunyi-sembunyi memadamkan marah, dan hadiah yang dirahasiakan meredakan kegeraman yang hebat. |
| 21:15 Malas ni uhur bani halak parpintor, ai ma na mandalankon uhum; tapi habiaran do ai bani halak sihorjahon na masambor. | 21:15 Melakukan keadilan adalah kesukaan bagi orang benar, tetapi menakutkan orang yang berbuat jahat. |
| 21:16 Jolma na kahou humbani dalan hapentaran, bani urung habeguon do ia marianan. (bd. 9:18.) | 21:16 Orang yang menyimpang dari jalan akal budi akan berhenti di tempat arwah-arwah berkumpul. |
| 21:17 Gabe marhahurangan do halak na marosuh marpesta-pesta, anjaha halak na rosuh bani anggur ampa minak, seng anjai bayak. (bd. 23:21.) | 21:17 Orang yang suka bersenang-senang akan berkekurangan, orang yang gemar kepada minyak dan anggur tidak akan menjadi kaya. |
| 21:18 Tobus bani halak parpintor do halak parjahat, anjaha sipangosei-osei do gantih ni halak sibujur uhur. (bd. 11:8.) | 21:18 Orang fasik dipakai sebagai tebusan bagi orang benar, dan pengkhianat sebagai ganti orang jujur. |
| 21:19 Dearan do marianan i halimisan, ase rap sajabu pakon parinangon sipartinggil ampa sipargila-gila. (ay. 9.) | 21:19 Lebih baik tinggal di padang gurun dari pada tinggal dengan perempuan yang suka bertengkar dan pemarah. |
| 21:20 Arta na maharga pakon minak, adong do i rumah ni halak na maruhur, tapi halak na bodoh mintor do iparbois-bois. | 21:20 Harta yang indah dan minyak ada di kediaman orang bijak, tetapi orang yang bebal memboroskannya. |
| 21:21 Halak siparayak hapintoron pakon habasaron, dapotan hagoluhan ampa hamuliaon do. | 21:21 Siapa mengejar kebenaran dan kasih akan memperoleh kehidupan, kebenaran dan kehormatan. |
| 21:22 Huta ni puanglima pe ipanangkih halak na pentar do, irumbakkon do benteng, hatengeran ni uhurni ai. (bd. 24:5.) | 21:22 Orang bijak dapat memanjat kota pahlawan-pahlawan, dan merobohkan benteng yang mereka percayai. |
| 21:23 Halak na manjaga pamanganni ampa dilahni, iramotkon do goluhni humbani parmaraan. (bd. 13:3.) | 21:23 Siapa memelihara mulut dan lidahnya, memelihara diri dari pada kesukaran. |
| 21:24 Halak sigijang uhur ampa sipangenjeng, margoran do ai sipanrehei, tarlobih do jungkat ni parlahouni. | 21:24 Orang yang kurang ajar dan sombong pencemooh namanya, ia berlaku dengan keangkuhan yang tak terhingga. |
| 21:25 Hisap-hisap ni siparrayoh do hamateian bani, ai marayoh do tanganni marlahoan. (bd. 13:4.) | 21:25 Si pemalas dibunuh oleh keinginannya, karena tangannya enggan bekerja. |
| 21:26 Ganup ari do halak parjahat marsura-surai, tapi halak parpintor layak do, seng maruhur haut. (Ps. 37:26.) | 21:26 Keinginan bernafsu sepanjang hari, tetapi orang benar memberi tanpa batas. |
| 21:27 Galangan ni halak parjahat, hagigi do ai, tarlobih anggo manggalang ia, hape laho mambahen na jahat do. (bd. 15:8.) | 21:27 Korban orang fasik adalah kekejian, lebih-lebih kalau dipersembahkan dengan maksud jahat. |
| 21:28 Saksi parladung maningon magou do, tapi na sinahapkon ni na manangar totap do. (bd. 19:5, 9; 5 Mus. 19:16-21.) | 21:28 Saksi bohong akan binasa, tetapi orang yang mendengarkan akan tetap berbicara. |
| 21:29 Halak parjahat pajingar-jingar bohini, tapi anggo halak parpintor totap do parlangkahni. | 21:29 Orang fasik bermuka tebal, tetapi orang jujur mengatur jalannya. |
| 21:30 Seng dong hapentaran, seng dong hauhuron, anjaha seng dong riah, na totap ilobei ni Jahowa. (Ps. 33:10, 11.) | 21:30 Tidak ada hikmat dan pengertian, dan tidak ada pertimbangan yang dapat menandingi TUHAN. |
| 21:31 Pinasirsir pe huda bani panorang porang, tapi anggo hamonangan humbani Jahowa do. (Ps. 33:17; Jes. 31:1, 3.) | 21:31 Kuda diperlengkapi untuk hari peperangan, tetapi kemenangan ada di tangan TUHAN. |
| << Amsal 20 | Amsal 22 >> |