| 15:1 Ipauli si Daud ma bani rumah i huta ni si Daud, anjaha ipasirsir ma sada ianan bani poti ni Jahowa, anjaha ipajongjong ma sada lampo-lampo bani poti ai. (2 Sam. 5:11; 7:17; 7:2.) | 15:1 Daud membuat bagi dirinya gedung-gedung di kota Daud, lalu ia menyiapkan tempat bagi tabut Allah dan membentangkan kemah untuk itu. |
| 15:2 Ijia ma ihatahon si Daud: Seng bulih usungon ni atap ise poti ni Naibata, sobali ni halak Levi; ai domma ipilih Jahowa sidea mangusung poti ni Jahowa, anjaha marugas Bani ronsi sadokah ni dokahni. (bd. 14:7; 4 Mus. 1:50; 4:15; 7:9; 10:17.) | 15:2 Ketika itu berkatalah Daud: “Janganlah ada yang mengangkat tabut Allah selain dari orang Lewi, sebab merekalah yang dipilih TUHAN untuk mengangkat tabut TUHAN dan untuk menyelenggarakannya sampai selama-lamanya.” |
| 15:3 Jadi ipatumpu si Daud ma ganup Israel hu Jerusalem, laho mamboan poti ni Jahowa tangkog bani iananni, na pinasirsir hinan ijai. (bd. 13:5, 6; 2 Sam. 6:15.) | 15:3 Kemudian Daud mengumpulkan segenap Israel ke Yerusalem untuk mengangkut tabut TUHAN ke tempat yang telah disiapkannya untuk itu. |
| 15:4 Ipatumpu si Daud do homa ginompar ni si Aron pakon halak Levi. (bd. 11:5-10.) | 15:4 Daud mengumpulkan bani Harun dan orang Lewi: |
| 15:5 Humbani ginompar ni si Kahat: Si Uriel, kopalani, ampa saninani, saratus dua puluh halak bueini. (bd. 6:24.) | 15:5 dari bani Kehat: Uriel, seorang pemimpin, dan saudara-saudara sepuaknya: seratus dua puluh orang; |
| 15:6 Humbani ginompar ni si Merari: Si Asaya, kopalani, ampa saninani dua ratus dua puluh halak bueini. (bd. 6:30.) | 15:6 dari bani Merari: Asaya, seorang pemimpin, dan saudara-saudara sepuaknya: dua ratus dua puluh orang; |
| 15:7 Humbani ginompar ni si Gersom: Si Joel, kopalani, ampa saninani, saratus tolu puluh halak bueini. (bd. 6:27.) | 15:7 dari bani Gerson: Yoël, seorang pemimpin, dan saudara-saudara sepuaknya: seratus tiga puluh orang; |
| 15:8 Humbani ginompar ni si Elisapan: Si Semaya, kopalani, ampa saninani, dua ratus halak bueini. (2 Mus. 6:22.) | 15:8 dari bani Elsafan: Semaya, seorang pemimpin, dan saudara-saudara sepuaknya: dua ratus orang; |
| 15:9 Humbani ginompar ni si Hebron: Si Eliel, kopalani, ampa saninani, ualuh puluh halak bueini. (2 Mus. 6:18.) | 15:9 dari bani Hebron: Eliel, seorang pemimpin, dan saudara-saudara sepuaknya: delapan puluh orang; |
| 15:10 Humbani ginompar ni si Usiel: Si Aminadab, kopalani, ampa saninani, saratus sapuluh dua halak bueini. (2 Mus. 6:22.) | 15:10 dari bani Uziel: Aminadab, seorang pemimpin, dan saudara-saudara sepuaknya: seratus dua belas orang. |
| 15:11 Dob ai idilo si Daud ma malim Sadok pakon si Abyatar ampa halak Levi, ai ma: Si Uriel, si Asaya, si Joel, si Semaya, si Eliel, pakon si Aminadab. (bd. 24:3; 2 Sam. 15:24-29; 20:25.) | 15:11 Lalu Daud memanggil Zadok dan Abyatar, imam-imam itu, dan orang-orang Lewi, yakni Uriel, Asaya, Yoël, Semaya, Eliel dan Aminadab, |
| 15:12 Jadi nini ma dompak sidea: Nasiam do pambobai ni halak Levi marsasaompung; halani ai papansing nasiam ma dirinasiam pakon saninanasiam, ase boi iboan nasiam poti ni Jahowa, Naibata ni Israel, tangkog bani iananni na dob hupasirsir ai. (1 Mus. 35:2; 2 Mus. 19:10, 15; Jos. 3:5; 2 Kron. 30:3.) | 15:12 dan berkata kepada mereka: “Hai kamu ini, para kepala puak dari orang Lewi, kuduskanlah dirimu, kamu ini dan saudara-saudara sepuakmu, supaya kamu mengangkut tabut TUHAN, Allah Israel, ke tempat yang telah kusiapkan untuk itu. |
| 15:13 Halani seng dihut nasiam bani na parlobei ondi, parah do pambogbog ni Jahowa Naibatanta in banta, halani seng ipindahi hita Ia songon na patut. (bd. 13:9, 10; 4 Mus. 4:15; 2 Sam. 6:8.) | 15:13 Sebab oleh karena pada pertama kali kamu tidak hadir, maka TUHAN, Allah kita, telah menyambar di tengah-tengah kita, sebab kita tidak meminta petunjuk-Nya seperti seharusnya.” |
| 15:14 Jadi manguras bei ma malim pakon halak Levi, laho mamboan poti ni Jahowa, Naibata ni Israel ai tangkog. | 15:14 Jadi para imam dan orang-orang Lewi menguduskan dirinya untuk mengangkut tabut TUHAN, Allah Israel. |
| 15:15 Jadi iusung halak Levi ma poti ni Naibata marlanja-lanja bani abarani, songon na tinonahkon ni si Musa hinan, romban hubani hata ni Jahowa. (2 Mus. 25:14; 4 Mus. 1:50; 4:15; 7:9.) | 15:15 Kemudian bani Lewi mengangkat tabut Allah itu dengan gandar pengusung di atas bahu mereka, seperti yang diperintahkan Musa, sesuai dengan firman TUHAN. |
| 15:16 Dob ai ihatahon si Daud ma hubani kopala ni halak Levi, ase ipasirsir sanina ni sidea pandoding marhasoman parsora na laingan, husapi, arbab pakon sordam, ase ipahata ai laho pariahkon sora pakon patanda malas ni uhur. (ay. 25; 2 Kron. 23:18; 29:30.) | 15:16 Daud memerintahkan para kepala orang Lewi itu, supaya mereka menyuruh berdiri saudara-saudara sepuak mereka, yakni para penyanyi, dengan membawa alat-alat musik seperti gambus, kecapi dan ceracap, untuk memperdengarkan dengan nyaring lagu-lagu gembira. |
| 15:17 Jadi ipabangkit halak Levi ma si Heman, anak ni si Joel, anjaha humbani saninani si Asap, anak ni si Berekya; humbani ginompar ni si Merari, sanina ni sidea ai, si Etan, anak ni si Kusaya; (bd. 6:33; 39:44.) | 15:17 Maka orang Lewi itu menyuruh berdiri Heman bin Yoël; dan dari saudara-saudara sepuaknya: Asaf bin Berekhya; dari bani Merari, saudara-saudara sepuak mereka: Etan bin Kusaya; |
| 15:18 anjaha hasoman ni sidea use, sanina ni sidea humbani pangku na paduahon: si Sakarya, si Jaasiel, si Semiramot, si Jahiel, si Uni, si Eliab, si Benaya, si Maaseya, si Matitya, si Elipelehu, si Mikneya, si Obed-Edom ampa si Jegiel, sijaga horbangan ai. | 15:18 dan bersama-sama mereka itu saudara-saudara mereka dari tingkat kedua: Zakharia, Yaaziel, Semiramot, Yehiel, Uni, Eliab, Benaya, Maaseya, Matica, Elifele, Mikneya, dan Obed-Edom serta Yeiel, para penunggu pintu gerbang. |
| 15:19 Sipandoding: Si Heman, si Asap pakon si Etan, pahatahon ogung tombaga. (bd. 6:33, 39, 44; 25:1.) | 15:19 Para penyanyi, yakni Heman, Asaf dan Etan harus memperdengarkan lagu dengan ceracap tembaga. |
| 15:20 Si Sakarya, si Asiel, si Semiramot, si Jehiel, si Uni, si Eliab, si Maaseya pakon si Benaya mangguit husapi, parsora na gijang. | 15:20 Zakharia, Aziel, Semiramot, Yehiel, Uni, Eliab, Maaseya, Benaya harus memainkan gambus yang tinggi nadanya, |
| 15:21 Si Matitya, si Elipelehu, si Mikneya, si Obed-Edom, si Jehiel pakon si Asasya manggesek arbab, parsora na bongor, laho mambobahon doding. | 15:21 sedang Matica, Elifele, Mikneya, Obed-Edom, Yeiel dan Azazya harus memainkan kecapi yang delapan nada lebih rendah tingkatnya untuk mengiringi nyanyian. |
| 15:22 Si Henanya, kopala ni halak Levi, ia do kopala ni sipangusung ai; ia do na mangatur pangusungon ai, ai na pandei do ia pasal ai. | 15:22 Kenanya, pemimpin orang Lewi, mendapat tugas pengangkutan; ia mengepalai pengangkutan, sebab ia paham dalam hal itu. |
| 15:23 Si Berekya pakon si Elkana, sijaga horbangan ai, ilambung ni poti ai. | 15:23 Berekhya dan Elkana adalah penunggu pintu pada tabut; |
| 15:24 Si Sebanya, si Josafat, si Netaneel, si Amasai, si Sakarya, si Benaya pakon si Elieser, malim-malim ai, sidea do sisompul tarompet ilobei ni poti ni Naibata; si Obed-Edom pakon si Jehia pe, sijaga horbangan ai, dihut do ilambung ni poti ai. (2 Sam. 6:10.) | 15:24 dan Sebanya, Yosafat, Netaneel, Amasai, Zakharia, Benaya dan Eliezer, yakni imam-imam itu, meniup nafiri di hadapan tabut Allah, sedang Obed-Edom dan Yehia adalah penunggu pintu pada tabut itu. |
| 15:25 Dob ai laho ma si Daud pakon pangintuai ni halak Israel ampa kopala ni si saribu halak, sihol mamboan poti parpadanan ni Jahowa tangkog hun rumah ni si Obed-Edom ibagas malas ni uhur banggal. | 15:25 Maka Daud dan para tua-tua Israel dan para pemimpin pasukan seribu pergi untuk mengangkut tabut perjanjian TUHAN itu dari rumah Obed-Edom dengan sukacita. |
| 15:26 Halani itumpak Naibata do halak Levi siusung poti parpadanan ni Jahowa ai, igalangkon sidea ma pitu lombu jonggi na poso pakon pitu biri-biri banggal. (1 Raj. 8:5.) | 15:26 Dan oleh karena Allah menolong orang Lewi yang mengangkat tabut perjanjian TUHAN itu, maka dipersembahkanlah tujuh ekor lembu jantan dan tujuh ekor domba jantan. |
| 15:27 Marpakeian mantel na humbani hiou silopak do si Daud, sonai homa ganup halak Levi siusung poti ai ampa sipandoding, sonai homa si Hananya kopala ni parusung ai; ambah ni ai marbaju Epod, na humbani hiou silopak do si Daud. (1 Sam. 2:18; 2 Kron. 5:12.) | 15:27 Daud memakai jubah dari kain lenan halus, juga segala orang Lewi yang mengangkat tabut itu dan para penyanyi, dan Kenanya yang mengepalai pengangkutan dan para penyanyi. Daud juga memakai baju efod dari kain lenan. |
| 15:28 Ase ganup do halak Israel mamboan poti parpadanan ni Jahowa ai tangkog, marhasoman olob-olob pakon sora ni tanduk, tarompet ampa arbab, anjaha gogoh ibahen marhata husapi pakon ogung. (ay. 16.) | 15:28 Seluruh orang Israel mengangkut tabut perjanjian TUHAN itu dengan diiringi sorak dan bunyi sangkakala, nafiri dan ceracap, sambil memperdengarkan permainan gambus dan kecapi. |
| 15:29 Anjaha sanggah na das ai poti ni Jahowa hu huta ni si Daud, manungkir ma si Mikal, boru ni si Saul hun jandela, jadi iidah ma raja Daud manontori anjaha marinjaki, gabe pis ma matani mangidahsi. | 15:29 Ketika tabut perjanjian TUHAN itu sampai ke kota Daud, maka Mikhal, anak perempuan Saul, menjenguk dari jendela, lalu melihat raja Daud melompat-lompat dan menari-nari. Sebab itu ia memandang rendah Daud dalam hatinya. |
| << 1 Tawarikh 14 | 1 Tawarikh 16 >> |