Titus 2

2:1 Tapi anggo ho, hatahon ma, na domu hubani pangajaran na pintor in: (1 Tim. 6:3; 2 Tim. 1:13.)	2:1 Tetapi engkau, beritakanlah apa yang sesuai dengan ajaran yang sehat:
2:2 Ojur ma dalahi na matua maruhur na torang, daulat, porman, sintong ibagas haporsayaon, ibagas holong pakon ibagas hasabaron. (1 Tim. 5:1.)	2:2 Laki-laki yang tua hendaklah hidup sederhana, terhormat, bijaksana, sehat dalam iman, dalam kasih dan dalam ketekunan.
2:3 Sonai homa naboru na matua, marparlahou ma sidea songon halak na mapansing, ulang sipanukas, ulang homa hatagihan bani anggur, tapi sipodahkon na madear ma, (1 Tim. 3:11.)	2:3 Demikian juga perempuan-perempuan yang tua, hendaklah mereka hidup sebagai orang-orang beribadah, jangan memfitnah, jangan menjadi hamba anggur, tetapi cakap mengajarkan hal-hal yang baik
2:4 ase tartogu-togu sidea naboru na poso ope mangkaholongi paramangonni ampa dakdanakni,	2:4 dan dengan demikian mendidik perempuan-perempuan muda mengasihi suami dan anak-anaknya,
2:5 porman, sopan, na bujur mamorluhon horja i rumah, unduk dompak paramangonni bei, ase ulang hona risa hata ni Naibata.	2:5 hidup bijaksana dan suci, rajin mengatur rumah tangganya, baik hati dan taat kepada suaminya, agar Firman Allah jangan dihujat orang.
2:6 Podahi homa dalahi na maposo, ase marhahormaton.	2:6 Demikian juga orang-orang muda; nasihatilah mereka supaya mereka menguasai diri dalam segala hal
2:7 Ia ho, ibagas haganup, maningon sitiruan ma ibagas horja na madear, pitah anjaha ringgas bani pangajarion; (1 Tim. 4:12; 1 Ptr. 5:3.)	2:7 dan jadikanlah dirimu sendiri suatu teladan dalam berbuat baik. Hendaklah engkau jujur dan bersungguh-sungguh dalam pengajaranmu,
2:8 sihatahon podah na sintong, na seng dong sihataon, ase maila sipanlawan ai, halani seng dong na bajan sihatahononni dompak hita. (1 Ptr. 2:5.)	2:8 sehat dan tidak bercela dalam pemberitaanmu sehingga lawan menjadi malu, karena tidak ada hal-hal buruk yang dapat mereka sebarkan tentang kita.
2:9 Jabolon pe maningon balosanni do tuanni, pamalasonni uhurni ibagas haganup, ulang manlawan-lawan, (Ep. 6:5; 1 Tim. 6:1; 1 Ptr. 2:18.)	2:9 Hamba-hamba hendaklah taat kepada tuannya dalam segala hal dan berkenan kepada mereka, jangan membantah,
2:10 ulang manangko, tapi ipatuduhkon ma haganup habujuron, ase marsangap pangajaran na humbani Naibata, Sipaluah hita, ibagas haganup.	2:10 jangan curang, tetapi hendaklah selalu tulus dan setia, supaya dengan demikian mereka dalam segala hal memuliakan ajaran Allah, Juruselamat kita.
2:11 Ai domma mulgap idop ni uhur ni Naibata bahen haluahon ni haganup jolma.	2:11 Karena kasih karunia Allah yang menyelamatkan semua manusia sudah nyata.
2:12 Iajari do hita marhiteihon idop ni uhurni marnalangkon uhur na so daulat ampa hisap-hisap dunia on, ase iparlahouhon hita hapormanon, hapintoran, ampa hadaulaton i dunia on, (Ep. 1:4.)	2:12 Ia mendidik kita supaya kita meninggalkan kefasikan dan keinginan-keinginan duniawi dan supaya kita hidup bijaksana, adil dan beribadah di dalam dunia sekarang ini
2:13 sanggah na paima-imahon hita bani hatuahon na niaraphonta in pakon partalar ni hamuliaon ni Naibata na banggal in ampa Kristus Jesus, Sipaluah hita, (1 Kor. 1:7; Pil. 3:20.)	2:13 dengan menantikan penggenapan pengharapan kita yang penuh bahagia dan penyataan kemuliaan Allah yang Mahabesar dan Juruselamat kita Yesus Kristus,
2:14 na mamberehon dirini manghophop hita, laho manobus hita humbani haganup hajahaton, anjaha urasonni bani dirini sada bangsa, ase Ia simadasi, na mangkaringgashon sagala horja na madear. (Gal. 1:4; Ep. 2:10; 1 Tim. 2:6.)	2:14 yang telah menyerahkan diri-Nya bagi kita untuk membebaskan kita dari segala kejahatan dan untuk menguduskan bagi diri-Nya suatu umat, kepunyaan-Nya sendiri, yang rajin berbuat baik.
2:15 In ma hatahon, podahkon anjaha akimhon hubani halak humbani gok ni uhurmu. Ulang ma dong na mapas bam. (1 Tim. 4:12.)	2:15 Beritakanlah semuanya itu, nasihatilah dan yakinkanlah orang dengan segala kewibawaanmu. Janganlah ada orang yang menganggap engkau rendah.
<< Titus 1	Titus 3 >>