| Minggu 12 Mei 2019, Jubilate: Sibasaon, Podah 15: 1-9; Ambilan, Johannes 15: 1-8 | |
| 1 Balos na lamlam pahombun ringis, tapi hata na kasar mamuhoi gila, | 1 Jawaban yang lemah lembut meredakan kegeraman, tetapi perkataan yang pedas membangkitkan marah. |
| 2 Dilah ni halak na maruhur mantektekkon habotohon, tapi haotoon do puas humbani pamangan ni halak na bodoh. | 2 Lidah orang bijak mengeluarkan pengetahuan, tetapi mulut orang bebal mencurahkan kebodohan. |
| 3 Dompak sab dunia on do pangkawah ni Jahowa, ipardiatei do halak parjahat ampa sidear uhur. | 3 Mata TUHAN ada di segala tempat, mengawasi orang jahat dan orang baik. |
| 4 Dilah na lamlam, ai ma hayu hagoluhan; tapi dilah siparladung mambahen maborit uhur. | 4 Lidah lembut adalah pohon kehidupan, tetapi lidah curang melukai hati. |
| 5 Halak na oto magigi do bani pangajaran ni bapani, tapi halak na marimbagaskon pinsang-pinsang, ai ma siparuhur. | 5 Orang bodoh menolak didikan ayahnya, tetapi siapa mengindahkan teguran adalah bijak. |
| 6 I rumah ni halak parpintor buei do arta, tapi masese do pansarian ni halak parjahat. | 6 Di rumah orang benar ada banyak harta benda, tetapi penghasilan orang fasik membawa kerusakan. |
| 7 Bibir ni halak na pentar manuan habotohon, tapi seng sonai anggo uhur ni halak na bodoh. | 7 Bibir orang bijak menaburkan pengetahuan, tetapi hati orang bebal tidak jujur. |
| 8 Galangan ni halak parjahat hagigi do ai bani Jahowa, tapi marosuh do Ia bani tonggo ni halak parpintor. | 8 Korban orang fasik adalah kekejian bagi TUHAN, tetapi doa orang jujur dikenan-Nya. |
| 9 Hagigi ni Jahowa do dalan ni halak parjahat, tapi holong do uhur-Ni bani halak siparayak hapintoron. | 9 Jalan orang fasik adalah kekejian bagi TUHAN, tetapi siapa mengejar kebenaran, dikasihi-Nya. |
| 10 Pangajaran na parah do mangonai bani halak sipanlembang, anjaha maningon matei do na mangkagigihon pinsang-pinsang. | 10 Didikan yang keras adalah bagi orang yang meninggalkan jalan yang benar, dan siapa benci kepada teguran akan mati. |
| 11 Nagori toruh ampa naraka, talar do ai i lobei ni Jahowa, samintolah uhur ni jolma ma lang. | 11 Dunia orang mati dan kebinasaan terbuka di hadapan TUHAN, lebih-lebih hati anak manusia! |
| 12 Halak parrisa seng marosuh ia ipaingat, seng ra ia marayak halak na pentar. | 12 Si pencemooh tidak suka ditegur orang; ia tidak mau pergi kepada orang bijak. |
| 13 Uhur na megah mambahen bohi minar, tapi marhitei uhur na marhoru galek do tonduy. | 13 Hati yang gembira membuat muka berseri-seri, tetapi kepedihan hati mematahkan semangat. |
| 14 Uhur na pantas mangindahi habotohon, tapi babah ni halak na bodoh mansahapkon haotoon. | 14 Hati orang berpengertian mencari pengetahuan, tetapi mulut orang bebal sibuk dengan kebodohan. |
| 15 Bani halak na marhoru sambor do sagala panorang, tapi bani halak siparmalas uhur hira ari pesta do tongtong. | 15 Hari orang berkesusahan buruk semuanya, tetapi orang yang gembira hatinya selalu berpesta. |
| 16 Rahanan na otik marhasoman biar bani Jahowa, ase mararta na buei, tapi marhasunsahan. | 16 Lebih baik sedikit barang dengan disertai takut akan TUHAN dari pada banyak harta dengan disertai kecemasan. |
| 17 Rahanan do na mangankon lowoh ibagas holong, ase mangankon lombu na mombur ibagas domdom. | 17 Lebih baik sepiring sayur dengan kasih dari pada lembu tambun dengan kebencian. |
| 18 Halak parringis mamuhoi paringoran, tapi halak parsabar mangintopi partinggilan. | 18 Si pemarah membangkitkan pertengkaran, tetapi orang yang sabar memadamkan perbantahan. |
| 19 Dalan ni halak parrayoh songon hondor duri do, tapi hornop do anggo dalan ni halak parpintor. | 19 Jalan si pemalas seperti pagar duri, tetapi jalan orang jujur adalah rata. |
| 20 Anak na pentar pamalas uhur ni bapani, tapi halak na oto mapas do ia bani inangni. | 20 Anak yang bijak menggembirakan ayahnya, tetapi orang yang bebal menghina ibunya. |
| 21 Haotoon, malas ni uhur do ai bani na hurang uhur, tapi halak na pantas maruhur, pintor do pardalanni. | 21 Kebodohan adalah kesukaan bagi yang tidak berakal budi, tetapi orang yang pandai berjalan lurus. |
| 22 Sundat do ranggian anggo hurang panriahan, tapi saud do ai anggo buei sipamodahi. | 22 Rancangan gagal kalau tidak ada pertimbangan, tetapi terlaksana kalau penasihat banyak. |
| 23 Malas ni uhur do ai bani halak anggo hona balosni, anjaha jengesan ai, sangkababah hata na topat bani panorangni. | 23 Seseorang bersukacita karena jawaban yang diberikannya, dan alangkah baiknya perkataan yang tepat pada waktunya! |
| 24 Dalan hagoluhan bani halak na maruhur manuju dompak datas, laho manimbili nagori toruh ai. | 24 Jalan kehidupan orang berakal budi menuju ke atas, supaya ia menjauhi dunia orang mati di bawah. |
| 25 rumah ni sigijang uhur iparseda Jahowa do. tapi ipatotap do parbalogan ni naboru na mabalu. | 25 Rumah orang congkak dirombak TUHAN, tetapi batas tanah seorang janda dijadikan-Nya tetap. |
| 26 Hagigi ni Jahowa do riah ni halak parjahat, tapi pansing do hata na madear i lobei-Ni. | 26 Rancangan orang jahat adalah kekejian bagi TUHAN, tetapi perkataan yang ramah itu suci. |
| 27 Na parsedahon rumahni sandiri do halak sibuat untung na so tiba dalanni, tapi sai manggoluh do halak sihagigihon sisip. | 27 Siapa loba akan keuntungan gelap, mengacaukan rumah tangganya, tetapi siapa membenci suap akan hidup. |
| 28 Uhur ni halak parpintor ipingkiri do balos sibereonni, tapi humbani pamangan ni halak parjahat marjullak-jullak do hajahaton. | 28 Hati orang benar menimbang-nimbang jawabannya, tetapi mulut orang fasik mencurahkan hal-hal yang jahat. |
| 29 Daoh do Jahowa humbani halak parjahat, tapi itangihon do tonggo ni halak parpintor. | 29 TUHAN itu jauh dari pada orang fasik, tetapi doa orang benar didengar-Nya. |
| 30 Pangkawah na basar pamalas uhur, anjaha barita na madear pahisar holi-holi. | 30 Mata yang bersinar-sinar menyukakan hati, dan kabar yang baik menyegarkan tulang. |
| 31 Halak na ra manangihon podah na madear, marianan do ia i tongah-tongah ni halak na maruhur. | 31 Orang yang mengarahkan telinga kepada teguran yang membawa kepada kehidupan akan tinggal di tengah-tengah orang bijak. |
| 32 Halak na manulak podah, dirini do iparseda, tapi na manangihon pangajaran dapotan hapentaran. | 32 Siapa mengabaikan didikan membuang dirinya sendiri, tetapi siapa mendengarkan teguran, memperoleh akal budi. |
| 33 Biar bani Jahowa ai ma pangajaran, na mambahen pentar, anjaha toruh ni uhur do parlobei ni hasangapon. | 33 Takut akan TUHAN adalah didikan yang mendatangkan hikmat, dan kerendahan hati mendahului kehormatan. |
| << Amsal 14 | Amsal 16 >> |