| 81:1 Bani pambobai kor. Marhasoman Gitit. Humbani si Asap. | 81:1 Untuk pemimpin biduan. Menurut lagu: Gitit. Dari Asaf. |
| 81:2 Olobkon ma Naibata, hagogohonta in, marsurak ma bani Naibata ni si Jakob. | 81:2 Bersorak-sorailah bagi Allah, kekuatan kita, bersorak-soraklah bagi Allah Yakub. |
| 81:3 Mandoding ma, pahata tambur, giut ma husapi na laingan ampa arbap. | 81:3 Angkatlah lagu, bunyikanlah rebana, kecapi yang merdu, diiringi gambus. |
| 81:4 Sompul ma tanduk bani poltak ni bulan, bani bulan tula, ari pestanta in. (3 Mus. 23:24, 34; 4 Mus. 10:10; 29:1; Pod. 7:20.) | 81:4 Tiuplah sangkakala pada bulan baru, pada bulan purnama, pada hari raya kita. |
| 81:5 Ai aturan do in bani Israel, parentah ni Naibata bani si Jakob. | 81:5 Sebab hal itu adalah suatu ketetapan bagi Israel, suatu hukum dari Allah Yakub. |
| 81:6 Sada paraturan do in ibahen bani si Josep, sanggah na bingkat Ia mandorab Masir. Hubogei do sora na so hutanda hinan: | 81:6 Sebagai suatu peringatan bagi Yusuf ditetapkan-Nya hal itu, pada waktu Ia maju melawan tanah Mesir. Aku mendengar bahasa yang tidak kukenal: |
| 81:7 “Hubuat do siporsanon humbani abaramu, anjaha maluah do tanganmu humbani karanjang. (2 Mus. 1:11-14; 5:4; 6:6-7.) | 81:7 “Aku telah mengangkat beban dari bahunya, tangannya telah bebas dari keranjang pikulan; |
| 81:8 Dilo-dilo do ho sanggah hasosakan gabe hupaluah; marbalos do Ahu bam humbani hombun na marlonggur; hulajou do ho ilambung ni bah Meriba. Sela. (2 Mus. 17:7; 19:16; 4 Mus. 20:13.) | 81:8 dalam kesesakan engkau berseru, maka Aku meluputkan engkau; Aku menjawab engkau dalam persembunyian guntur, Aku telah menguji engkau dekat air Meriba. S e l a |
| 81:9 Tangar ma, ale bangsangku, sihol do paingatonku ho; ale Israel, sai ra ma ho manangihon! (Ps. 50:7.) | 81:9 Dengarlah hai umat-Ku, Aku hendak memberi peringatan kepadamu; hai Israel, jika engkau mau mendengarkan Aku! |
| 81:10 Lang malo dong naibata na legan itongah-tongahmu, ulang sombah naibata ni bangsa na legan. (2 Mus. 20:2, 3.) | 81:10 Janganlah ada di antaramu allah lain, dan janganlah engkau menyembah kepada allah asing. |
| 81:11 Ahu do Jahowa Naibatamu, na patangkog ho hun Masir; patanggak ma pamanganmu ase hugoki! (Ps. 119:131; 2 Mus. 20:2; Hos. 13:4.) | 81:11 Akulah TUHAN, Allahmu, yang menuntun engkau keluar dari tanah Mesir: bukalah mulutmu lebar-lebar, maka Aku akan membuatnya penuh. |
| 81:12 Tapi seng itangihon bangsangku sorangku, anjaha seng ibalosi Israel Ahu. | 81:12 Tetapi umat-Ku tidak mendengarkan suara-Ku, dan Israel tidak suka kepada-Ku. |
| 81:13 Jadi hupaturut ma ia bani hengkeng ni uhurni, gabe iihut-ihut ma rosuh ni uhurni. (5 Mus. 29:18; Jer. 3:17; 7:24; Lah. 14:16; Rom 1:24.) | 81:13 Sebab itu Aku membiarkan dia dalam kedegilan hatinya; biarlah mereka berjalan mengikuti rencananya sendiri! |
| 81:14 Ambit Ahu itangihon bangsangku, anjaha Israel mardalan bani dalanku: | 81:14 Sekiranya umat-Ku mendengarkan Aku! Sekiranya Israel hidup menurut jalan yang Kutunjukkan! |
| 81:15 Podas ma patundukonku munsuhni, anjaha dompakkononku tanganku bani imbangni. (2 Mus. 23:22.) | 81:15 Seketika itu juga musuh mereka Aku tundukkan, dan terhadap para lawan mereka Aku balikkan tangan-Ku. |
| 81:16 Halak na mandomdomisi maningon marsombah do hubani, anjaha panorangni ronsi sadokah ni dokahni. (Ps. 66:3.) | 81:16 Orang-orang yang membenci TUHAN akan tunduk menjilat kepada-Nya, dan itulah nasib mereka untuk selama-lamanya. |
| 81:17 Bahenonku do sidea mangan gandum sijengesan, anjaha pabosuronku sidea bani manisan na hun dolog batu.” (5 Mus. 32:13, 14.) | 81:17 Tetapi umat-Ku akan Kuberi makan gandum yang terbaik dan dengan madu dari gunung batu Aku akan mengenyangkannya.” |
| << Mazmur 80 | Mazmur 82 >> |