| 137:1 I topi ni bah na i Babel, ijai do hundul-hundul anjaha tangis hanami, sanggah mardingat hanami bani Sion. (Neh. 1:3, 4; Hes. 1:1; 3:15.) | 137:1 Di tepi sungai-sungai Babel, di sanalah kita duduk sambil menangis, apabila kita mengingat Sion. |
| 137:2 Bani hayu baringin na ijai ai, igantungkon hanami do husapinami. | 137:2 Pada pohon-pohon gandarusa di tempat itu kita menggantungkan kecapi kita. |
| 137:3 Ai ijai do ipindo na manaban hanami pabogehonon nami dodingnami, anjaha halak na mangarsik-arsik hanami mangindo doding malas uhur: Dodingkon hanima ma bannami sada doding Sion! | 137:3 Sebab di sanalah orang-orang yang menawan kita meminta kepada kita memperdengarkan nyanyian, dan orang-orang yang menyiksa kita meminta nyanyian sukacita: “Nyanyikanlah bagi kami nyanyian dari Sion!” |
| 137:4 Sonaha ma boi dodingkononnami doding bani Jahowa i tanoh ni halak na legan? | 137:4 Bagaimanakah kita menyanyikan nyanyian TUHAN di negeri asing? |
| 137:5 Anggo lupa ahu bam, ale Jerusalem, age melus ma tanganku siamun; (Jer. 51:50.) | 137:5 Jika aku melupakan engkau, hai Yerusalem, biarlah menjadi kering tangan kananku! |
| 137:6 longkot ma dilahku bani langit-langitku, anggo lang huingat ho, anggo lang Jerusalem hubahen iatas ni ganup malas ni uhur. | 137:6 Biarlah lidahku melekat pada langit-langitku, jika aku tidak mengingat engkau, jika aku tidak jadikan Yerusalem puncak sukacitaku! |
| 137:7 Ingat Ham ma, ale Jahowa, ginompar ni Edom, na mangkatahon bani ari partaban ni Jerusalem; Parseda, parseda ma, das bani palas-palasni! (Ps. 79:12; Hes. 25:12-14; Obj. 10-15.) | 137:7 Ingatlah, ya TUHAN, kepada bani Edom, yang pada hari pemusnahan Yerusalem mengatakan: “Runtuhkan, runtuhkan sampai ke dasarnya!” |
| 137:8 Ale boru Babel, ho na parsedahon! Martuah ma halak na mambalaskon bam, sagala na binahenmu bannami. (Jes. 13:19; Jer. 50:29.) | 137:8 Hai puteri Babel, yang suka melakukan kekerasan, berbahagialah orang yang membalas kepadamu perbuatan-perbuatan yang kaulakukan kepada kami! |
| 137:9 Martuah ma halak na manangkap anakmu, anjaha na manampakkon ai bani dolog batu. (Jes. 13:16.) | 137:9 Berbahagialah orang yang menangkap dan memecahkan anak-anakmu pada bukit batu! |
| << Mazmur 136 | Mazmur 138 >> |