| 4:1 Tonggor ma, jenges do ham, ale hinasiholanku, jenges tumang do ham; songon mata ni asas do matamu i pudi ni tudung-tudungmu, jambulanmu tudoskon hulanan ni hambing na tuad hun dolog Gilead. (bd. 1:15; 5:12; 6:5.) | 4:1 Lihatlah, cantik engkau, manisku, sungguh cantik engkau! Bagaikan merpati matamu di balik telekungmu. Rambutmu bagaikan kawanan kambing yang bergelombang turun dari pegunungan Gilead. |
| 4:2 Iponmu tudoskon biri-biri na baru ginunting, na naik humbani paridianni, haganup sidea marrindu-rindu, seng dong na lambang humbani sidea. (bd. 6:6.) | 4:2 Gigimu bagaikan kawanan domba yang baru saja dicukur, yang keluar dari tempat pembasuhan, yang beranak kembar semuanya, yang tak beranak tak ada. |
| 4:3 Songon bonang na tinubar do bibirmu, lamlam ia parsahapmu, songon dalima na binolah do huyummu ipudi ni tudung-tudungmu. (bd. 6:7.) | 4:3 Bagaikan seutas pita kirmizi bibirmu, dan elok mulutmu. Bagaikan belahan buah delima pelipismu di balik telekungmu. |
| 4:4 Borgokmu songon manara ni si Daud, na pinauli bahen ianan ni sinjata; marribu do gantar margantungan ijai, ganupan ai gantar ni puanglima. (bd. 7:5.) | 4:4 Lehermu seperti menara Daud, dibangun untuk menyimpan senjata. Seribu perisai tergantung padanya dan gada para pahlawan semuanya. |
| 4:5 Adopmu haduasi songon anak silinduat ni balua, na manggagat itongah-tongah ni silundat. (bd. 7:4.) | 4:5 Seperti dua anak rusa buah dadamu, seperti anak kembar kijang yang tengah makan rumput di tengah-tengah bunga bakung. |
| 4:6 Paima marombus logou sogod-sogod anjaha lintun na golap, sihol do ahu laho hu dolog mir ampa hu buntu-buntu hamonan. (bd. 2:17.) | 4:6 Sebelum angin senja berembus dan bayang-bayang menghilang, aku ingin pergi ke gunung mur dan ke bukit kemenyan. |
| 4:7 Gok do jengesmu, ale hinasiholan ni uhurhu, seng dong tikasmu age sada. (Ps. 45:14; Ep. 5:27.) | 4:7 Engkau cantik sekali, manisku, tak ada cacat cela padamu. |
| 4:8 Rap pakon ahu hun Libanon, ale tunanganku, susur ma ham rap pakon ahu hun Libanon. Tuad ma ham hun pakpak ni dolog Amana, hun pakpak ni dolog Senir pakon Hermon, humbani parponopan ni singa, humbani dolog ianan ni begu! | 4:8 Turunlah kepadaku dari gunung Libanon, pengantinku, datanglah kepadaku dari gunung Libanon, turunlah dari puncak Amana, dari puncak Senir dan Hermon, dari liang-liang singa, dari pegunungan tempat macan tutul! |
| 4:9 Domma tunduk uhurhu ibahen ham botou, tunanganku, domma ibuat ham uhurhu marhitei pangkirdop ni matamu tumang, marhitei sinongkok na bani borngokmu in. | 4:9 Engkau mendebarkan hatiku, dinda, pengantinku, engkau mendebarkan hati dengan satu kejapan mata, dengan seuntai kalung dari perhiasan lehermu. |
| 4:10 Jengesni in holongmu in, ale botou, tunanganku! Mantinan do holongmu, lobih humbani anggur, anjaha moruman do uap ni minakmu ase haganup minak na misbou. | 4:10 Betapa nikmat kasihmu, dinda, pengantinku! Jauh lebih nikmat cintamu dari pada anggur, dan lebih harum bau minyakmu dari pada segala macam rempah. |
| 4:11 Manisan do mangkatektek humbani bibirmu, ale tunanganku, manisan pakon susu do itoruh ni dilahmu, anjaha uap ni paheianmu, songon uap ni Libanon do. (Hos. 14:7.) | 4:11 Bibirmu meneteskan madu murni, pengantinku, madu dan susu ada di bawah lidahmu, dan bau pakaianmu seperti bau gunung Libanon. |
| 4:12 Songon pohon na hinondor do ham, ale botou, tunanganku, songon pansur na nirungga, anjaha songon bah tubuh na nilak. (Jes. 27:3; 58:11.) | 4:12 Dinda, pengantinku, kebun tertutup engkau, kebun tertutup dan mata air termeterai. |
| 4:13 Martumbor do ham, songon pohon na majenges gok hayu dalima marbuah na maharga tumang, marbunga-bunga henna ampa nardus, | 4:13 Tunas-tunasmu merupakan kebun pohon-pohon delima dengan buah-buahnya yang lezat, bunga pacar dan narwastu, |
| 4:14 nardus ampa huning, hamonan pakon kulit manis, marbagei hayu na morum, mir ampa aloe, ronsi haganup hayu rompah. | 4:14 narwastu dan kunyit, tebu dan kayu manis dengan segala macam pohon kemenyan, mur dan gaharu, beserta pelbagai rempah yang terpilih. |
| 4:15 Songon bah tubuh i pohon do ham, bah tubuh hagoluhan, na mabaor hun Libanon. (Joh. 7:38.) | 4:15 O, mata air di kebun, sumber air hidup, yang mengalir dari gunung Libanon! |
| 4:16 Puho ma, ale logou utara, roh ma, ale logou dangsina! Mangombus ma bani pohonku, ase muap uapni na misbou ai! Roh ma haholonganku marayak pohonni, anjaha ipangan ma buahni na mantin in. (Joh. 15:5.) | 4:16 — Bangunlah, hai angin utara, dan marilah, hai angin selatan, bertiuplah dalam kebunku, supaya semerbaklah bau rempah-rempahnya! Semoga kekasihku datang ke kebunnya dan makan buah-buahnya yang lezat. |
| << KIdung Agung 3 | Kidung Agung 5 >> |