1 Tesalonika 5

Minggu 13 Desember 2020, Advent III: Ambilan 1 Tessalonika 5:16-24; Sibasaon Psalmen 126:1-6
Tema: Goluh Na lang Martikas Bani Parrohni Tuhan
5:1 Tapi anggo pasal panorangni atap musimni, nasiam sanina, seng pala suratonnami bani nasiam. (Mat. 24:36.) 5:1 Tetapi tentang zaman dan masa, saudara-saudara, tidak perlu dituliskan kepadamu,
5:2 Ai ibotoh nasiam sandiri do torang, paboa songon panangko borngin do parroh ni ari ni Tuhan in. (Mat. 24:42-44; 2 Ptr. 3:10; Pangk. 3:3; 16:15.) 5:2 karena kamu sendiri tahu benar-benar, bahwa hari Tuhan datang seperti pencuri pada malam.
5:3 Anggo ihatahon halak: “Damei do anjaha sonang”, jadi sompong ma roh hamagouan ai bani sidea, songon pangarouan bani na boratan rumah, anjaha seng dong haporusan (Jer. 6:14; Mat. 24:39.) 5:3 Apabila mereka mengatakan: Semuanya damai dan aman — maka tiba-tiba mereka ditimpa oleh kebinasaan, seperti seorang perempuan yang hamil ditimpa oleh sakit bersalin — mereka pasti tidak akan luput.
5:4 Tapi nasiam sanina, seng ibagas na golap nasiam, ulang ma hasiangan nasiam songon panangko. 5:4 Tetapi kamu, saudara-saudara, kamu tidak hidup di dalam kegelapan, sehingga hari itu tiba-tiba mendatangi kamu seperti pencuri,
5:5 Ai haganup do nasiam anak ni na lihar anjaha anak arian, seng borngin atap na golap simada hita. (Rom 13:12; Ep. 5:9.) 5:5 karena kamu semua adalah anak-anak terang dan anak-anak siang. Kita bukanlah orang-orang malam atau orang-orang kegelapan.
5:6 Ase ulang ma hita tarpodom songon halak na legan, tapi puho ma hita anjaha torang maruhur. 5:6 Sebab itu baiklah jangan kita tidur seperti orang-orang lain, tetapi berjaga-jaga dan sadar.
5:7 Ai borngin do modom na modom in, anjaha borngin do mabuk na mabuk in, 5:7 Sebab mereka yang tidur, tidur waktu malam dan mereka yang mabuk, mabuk waktu malam.
5:8 Tapi, halani humbani na siang hita, torang ma uhurta, anjaha pakei hita ma baju bosi haporsayaon ampa haholongan ampa tangkuluk pangarapan bani haluahon, (Ep. 6:14-17.) 5:8 Tetapi kita, yang adalah orang-orang siang, baiklah kita sadar, berbajuzirahkan iman dan kasih, dan berketopongkan pengharapan keselamatan.
5:9 Ai seng, ase sigilaan hita itotaphon Naibata, tapi ase jumpahan hagoluhan do marhitei Tuhanta Jesus Kristus, 5:9 Karena Allah tidak menetapkan kita untuk ditimpa murka, tetapi untuk beroleh keselamatan oleh Yesus Kristus, Tuhan kita,
5:10 na dob matei manghophop hita, ase barang na puho hita, barang na modom, manggoluh hita rap pakonsi. (bd. 4:14; Rom 14:8, 9.) 5:10 yang sudah mati untuk kita, supaya entah kita berjaga-jaga, entah kita tidur, kita hidup bersama-sama dengan Dia.
5:11 Halani ai marsipodahan ma nasiam anjaha marsipauli-ulian, songon na binahen nasiam. (Jud. 20.) 5:11 Karena itu nasihatilah seorang akan yang lain dan saling membangunlah kamu seperti yang memang kamu lakukan.
5:12 Tapi ielek-elek hanami ma nasiam sanina: Hormat ma bani na manghalojahon nasiam, bani na mambobahon nasiam ibagas Tuhan in, bani na mamodahinasiam, (1 Kor. 16:18.) 5:12 Kami minta kepadamu, saudara-saudara, supaya kamu menghormati mereka yang bekerja keras di antara kamu, yang memimpin kamu dalam Tuhan dan yang menegor kamu;
5:13 anjaha sangap tumang ma bahen nasiam sidea ibagas holong halani horja ni sidea. Mardamei ma nasiam samah nasiam. 5:13 dan supaya kamu sungguh-sungguh menjunjung mereka dalam kasih karena pekerjaan mereka. Hiduplah selalu dalam damai seorang dengan yang lain.
5:14 Anjaha iojur hanami do nasiam sanina: Palumba nasiam ma halak, na so torsa marparlahou, apohi nasiam siotik uhur, anju bani na galek, marlumbang ni uhur dompak haganup. 5:14 Kami juga menasihati kamu, saudara-saudara, tegorlah mereka yang hidup dengan tidak tertib, hiburlah mereka yang tawar hati, belalah mereka yang lemah, sabarlah terhadap semua orang.
5:15 Jaga ma nasiam, ase ulang adong mambalaskon na jahat balas ni na jahat, tapi na madear ma parayak nasiam tongtong samah nasiam, age bani haganup halak. (Pod. 20:22; Rom 12:17; 1 Ptr. 3:9.) 5:15 Perhatikanlah, supaya jangan ada orang yang membalas jahat dengan jahat, tetapi usahakanlah senantiasa yang baik, terhadap kamu masing-masing dan terhadap semua orang.
5:16 Tongtong ma nasiam marmalas ni uhur, (Pil. 4:4.) 5:16 Bersukacitalah senantiasa.
5:17 totap martonggo, (Luk. 18:1; Rom 12:12; Kol. 4:2.) 5:17 Tetaplah berdoa.
5:18 martarima kasih pasal haganup, ai in do na pinindo ni Naibata humbani nasiam marhitei Kristus Jesus. (Ep. 5:20.) 5:18 Mengucap syukurlah dalam segala hal, sebab itulah yang dikehendaki Allah di dalam Kristus Yesus bagi kamu.
5:19 Ulang ma intopi nasiam Tonduy in, (1 Kor. 14:30, 39.) 5:19 Janganlah padamkan Roh,
5:20 ulang ma marhampung ni uhur pasal panjahaion, (1 Kor. 14:1.) 5:20 dan janganlah anggap rendah nubuat-nubuat.
5:21 tapi uji nasiam haganup, jolom nasiam ma na madear. (1 Kor. 14:29; 1 Joh. 4:1.) 5:21 Ujilah segala sesuatu dan peganglah yang baik.
5:22 anjaha simbili nasiam ma sagala masam ni na masambor. 5:22 Jauhkanlah dirimu dari segala jenis kejahatan.
5:23 Naibata sipardamei in ma mambahen tang pansing nasiam, anjaha Ia ma manramothon tonduy, uhur ampa dagingnasiam, ase pansing, seng panurakon bani parroh ni Tuhanta Jesus Kristus! 5:23 Semoga Allah damai sejahtera menguduskan kamu seluruhnya dan semoga roh, jiwa dan tubuhmu terpelihara sempurna dengan tak bercacat pada kedatangan Yesus Kristus, Tuhan kita.
5:24 Hatengeran ni uhur do Ia, na mandilo nasiam, anjaha pasaudonni do in.(1 Kor. 1:9; 2 Tes. 3:3.) 5:24 Ia yang memanggil kamu adalah setia, Ia juga akan menggenapinya.
5:25 Nasiam sanina, tonggohon nasiam ma hanami. 5:25 Saudara-saudara, doakanlah kami.
5:26 Padas nasiam ma tabi bani haganup sanina in marhitei summah na mapansing. (Rom 16:16; 1 Kor. 16:20; 2 Kor. 13:12.) 5:26 Sampaikanlah salam kami kepada semua saudara dengan cium yang kudus.
5:27 Hupabija ma nasiam bani Tuhan in, pabasahon nasiam surat on bani haganup sanina. 5:27 Demi nama Tuhan aku minta dengan sangat kepadamu, supaya surat ini dibacakan kepada semua saudara.
5:28 Idop ni uhur ni Tuhanta Jesus Kristus mangkasomani nasiam! 5:28 Kasih karunia Yesus Kristus, Tuhan kita, menyertai kamu!
<< 1 Tesalonika 4 2 Tesalonika 1 >>

 

Leave a Reply

Your email address will not be published. Required fields are marked *