| 3:1 Tapi botoh ma, na roh ma ari hasunsahan bani panorang parpudi. (1 Tim. 4:1.) | 3:1 Ketahuilah bahwa pada hari-hari terakhir akan datang masa yang sukar. |
| 3:2 Ai manghaholongi dirini ma jolma ijai, paruhur duit, parhata toal, paruhur gijang, panrisai, seng pambalosi bani na matorasni, na so mambotoh martarima kasih, parhabutakon, (Mat. 24:12.) | 3:2 Manusia akan mencintai dirinya sendiri dan menjadi hamba uang. Mereka akan membual dan menyombongkan diri, mereka akan menjadi pemfitnah, mereka akan berontak terhadap orang tua dan tidak tahu berterima kasih, tidak mempedulikan agama, |
| 3:3 seng parholong, na so ra madear, na so ra mardamei, si panukas-nukasi, seng ibotoh mangorom, parringis-ringis, magigi bani na madear, | 3:3 tidak tahu mengasihi, tidak mau berdamai, suka menjelekkan orang, tidak dapat mengekang diri, garang, tidak suka yang baik, |
| 3:4 sipartahi-tahi, na hampung maruhur, na pajuntul-juntulhon diri, na holongan bani hisap ni daging ase bani Naibata. (Pil. 3:19.) | 3:4 suka mengkhianat, tidak berpikir panjang, berlagak tahu, lebih menuruti hawa nafsu dari pada menuruti Allah. |
| 3:5 Songon-songon na daulat do sidea, tapi iparnalang sidea do gogoh ni ai. Ai pe simbili ma sisonai ai. (Mat. 7:5, 21; Tit. 1:16.) | 3:5 Secara lahiriah mereka menjalankan ibadah mereka, tetapi pada hakekatnya mereka memungkiri kekuatannya. Jauhilah mereka itu! |
| 3:6 Halak sisonai do na ra marponop-ponop mammasuki rumah ni halak, mandormai naboru, na dob boratan ibahen dousa, na niarsik-arsik ni bagei ni hisap-hisap, (Mat. 23:14; Tit. 1:11.) | 3:6 Sebab di antara mereka terdapat orang-orang yang menyelundup ke rumah orang lain dan menjerat perempuan-perempuan lemah yang sarat dengan dosa dan dikuasai oleh berbagai-bagai nafsu, |
| 3:7 na tongtong marlajar, tapi lanjar seng boi mananda hasintongan in. | 3:7 yang walaupun selalu ingin diajar, namun tidak pernah dapat mengenal kebenaran. |
| 3:8 Songon si Jannes ampa si Jamberes panlawan bani si Musa, sonai do homa sidea panlawan bani hasintongan in, ai ma halak, na dob seda pingkiranni anjaha na talu ibagas haporsayaon. (2 Mus. 7:11, 22; 1 Tim. 6:5.) | 3:8 Sama seperti Yanes dan Yambres menentang Musa, demikian juga mereka menentang kebenaran. Akal mereka bobrok dan iman mereka tidak tahan uji. |
| 3:9 Tapi seng anjai tarpasaud sidea ai torus, ai idahon ni ganup halak do haotoon ni sidea ai, songon na bani sidea halak ondi. | 3:9 Tetapi sudah pasti mereka tidak akan lebih maju, karena seperti dalam hal Yanes dan Yambres, kebodohan mereka pun akan nyata bagi semua orang. |
| 3:10 Tapi iihuthon ho do ahu bani podah, parlahou, tujuan, haporsayaon lumbang ni uhur, holong ampa hasabaron, | 3:10 Tetapi engkau telah mengikuti ajaranku, cara hidupku, pendirianku, imanku, kesabaranku, kasihku dan ketekunanku. |
| 3:11 bani parburuon, sitaronon, na mangonai bangku i Antiokia, Ikonium ampa Listra. Ai ma pangayak-ayakon na hutaron, tapi ipaluah Tuhan in do ahu humbani haganupan in, (Ps. 34:20; Lah. 13:50; 14:5, 19.) | 3:11 Engkau telah ikut menderita penganiayaan dan sengsara seperti yang telah kuderita di Antiokhia dan di Ikonium dan di Listra. Semua penganiayaan itu kuderita dan Tuhan telah melepaskan aku dari padanya. |
| 3:12 Tapi sagala na sihol daulat marparlahou ibagas Kristus Jesus, hona parburu do.(Mat. 16:24; Lah. 14:22.) | 3:12 Memang setiap orang yang mau hidup beribadah di dalam Kristus Yesus akan menderita aniaya, |
| 3:13 Ia halak parjahat ampa sipangoto-otoi sai na lambin jahat do; na mangoto-otoi do sidea anjaha hona oto-otoan. (1 Tim. 4:1.) | 3:13 sedangkan orang jahat dan penipu akan bertambah jahat, mereka menyesatkan dan disesatkan. |
| 3:14 Tapi anggo ho, totap ma ho bani na dob ginuruhonmu ampa na hinaporsayaanmu, ai ibotoh ho do ise na mangajarhonsi bam, (bd. 2:2.) | 3:14 Tetapi hendaklah engkau tetap berpegang pada kebenaran yang telah engkau terima dan engkau yakini, dengan selalu mengingat orang yang telah mengajarkannya kepadamu. |
| 3:15 anjaha ibotoh ho do humbani haetek-etekonmu nari, Surat na pansing in do, na margogoh papentarhon ho, ase marulih ho bani haluahon marhitei haporsayaon bani Kristus Jesus. (Joh. 5:39.) | 3:15 Ingatlah juga bahwa dari kecil engkau sudah mengenal Kitab Suci yang dapat memberi hikmat kepadamu dan menuntun engkau kepada keselamatan oleh iman kepada Kristus Yesus. |
| 3:16 Ai sagala Surat in sinahapkon ni Naibata do, anjaha marguna mamodahi, maminsang, pauli-ulihon ampa manogu-nogu hu hapintoran,(2 Ptr. 1:19-21.) | 3:16 Segala tulisan yang diilhamkan Allah memang bermanfaat untuk mengajar, untuk menyatakan kesalahan, untuk memperbaiki kelakuan dan untuk mendidik orang dalam kebenaran. |
| 3:17 ase gokan dear siminik ni Naibata, mangasup bani sagala horja na madear. | 3:17 Dengan demikian tiap-tiap manusia kepunyaan Allah diperlengkapi untuk setiap perbuatan baik. |
| << 2 Timoteus 2 | 2 Timoteus 4 >> |